آئی جی پولیس بلوچستان کا شہداء کو خراجِ تحسین، دہشت گردی کے خاتمے کے عزم کا اعادہ

رپورٹ:سیدہ نتاشا

انسپکٹر جنرل پولیس بلوچستان محمد طاہر نے کہا ہے کہ بلوچستان پولیس نے صوبے میں امن و امان کے قیام کے لیے جانوں کی قربانیاں دے کر شہادت کا عظیم رتبہ حاصل کیا ہے۔ انہوں نے شہداء کو خراجِ تحسین پیش کرتے ہوئے کہا کہ ان بہادر اہلکاروں نے اپنی قیمتی جانوں کا نذرانہ دے کر دہشت گردوں کے ناپاک عزائم کو ناکام بنایا۔
ان خیالات کا اظہار انہوں نے کوئٹہ میں مختلف تھانوں کے دورے کے دوران کیا۔ آئی جی پولیس نے تھانہ سریاب، تھانہ نیو سریاب، پولیس ٹریننگ کالج، اسمارٹ پولیس اسٹیشن منظور ترین شہید اور پولیس اسٹیشن خالق شہید کا تفصیلی معائنہ کیا اور سیکیورٹی انتظامات کا جائزہ لیا۔

دورے کے موقع پر ڈی آئی جی سی ٹی ڈی اعتزاز گورایہ، ایس ایس پی آپریشنز کوئٹہ محمد آصف خان اور دیگر سینئر پولیس افسران بھی آئی جی پولیس کے ہمراہ تھے۔ بعد ازاں آئی جی پولیس نے اینٹی ٹیرارزم فورس (اے ٹی ایف) ہیڈکوارٹر کا بھی دورہ کیا جہاں افسران و جوانوں سے ملاقات کی گئی اور انہیں درپیش چیلنجز کے حوالے سے بریفنگ دی گئی۔
آئی جی پولیس بلوچستان نے افسران و جوانوں کے بلند حوصلے، پیشہ ورانہ مہارت اور فرض شناسی کو سراہتے ہوئے کہا کہ دہشت گردی کے خلاف جنگ میں بلوچستان پولیس کا کردار قابلِ تحسین رہا ہے۔ انہوں نے اس عزم کا اعادہ کیا کہ بلوچستان پولیس ہر قسم کے چیلنجز سے نمٹنے کے لیے ہمہ وقت تیار اور چوکس ہے اور صوبے میں امن و امان کے قیام کو یقینی بنانے کے لیے تمام دستیاب وسائل بروئے کار لائے جا رہے ہیں۔
انہوں نے مزید کہا کہ بلوچستان پولیس نے ملک دشمن عناصر کے خلاف بروقت کارروائیاں کرتے ہوئے اپنی پیشہ ورانہ صلاحیتوں کا لوہا منوایا ہے۔ پولیس عوام کے جان و مال کے تحفظ کو یقینی بنانے کے لیے آئندہ بھی کسی قربانی سے دریغ نہیں کرے گی جبکہ فورس کی استعداد کار بڑھانے اور جدید سہولیات سے آراستہ کرنے کے لیے تمام وسائل استعمال کیے جا رہے ہیں۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands