یونیورسٹی آف تربت میں آئی جی ایف سی کی جانب سے مستحق طلبہ میں اسکالرشپس کی تقسیم

رپورٹ: سیدہ نتاشا

یونیورسٹی آف تربت میں  آئی جی ایف سی  کی جانب سے مستحق طلبہ میں اسکالرشپ کی تقسیم کے لیے  خصوصی تقریب منعقد ہوئی۔تقریب میں وائس چانسلر یونیورسٹی آف تربت پروفیسر ڈاکٹر گل حسن سمیت اساتذہ، انتظامی افسران اور طلبہ نے شرکت کی۔ کمانڈنٹ مکران اسکاؤٹس بریگیڈیئر عمر طاہر نے شعبہ قانون کے طلبہ کے لیے 10 لاکھ روپے مالیت کا اسکالرشپ چیک ڈین فیکلٹی آف لاء کے حوالے کیا۔ اس کے علاوہ دیگر مختلف شعبہ جات کے طلبہ کے لیے مزید 10 لاکھ روپے کا ایک اور چیک وائس چانسلر کو پیش کیا۔ آئی جی ایف سی ساؤتھ بلوچستان میجر جنرل بلال سرفراز نے وائس چانسلر اور طلبہ کی درخواست پر اس اسکالرشپ کو بحال کیا، جس کا مقصد ہونہار اور مستحق طلبہ کی مدد کرنا ہے ۔بریگیڈیئر عمر طاہر نے تعلیم کی اہمیت پر زور دیتے ہوئے  طلبہ کو تلقین کی کہ وہ اپنی تمام تر توجہ پڑھائی پر مرکوز رکھیں تاکہ وہ خطے کی ترقی اور خوشحالی میں اپنا مثبت کردار ادا کر سکیں

۔وائس چانسلر پروفیسر ڈاکٹر گل حسن نے اسکالرشپس کی بحالی پر میجر جنرل بلال سرفراز کا شکریہ ادا کرتے ہوئے  کہا کہ اگرچہ اس ریجن میں باصلاحیت نوجوانوں کی کمی نہیں لیکن بہت سے طلبہ مالی وسائل کی کمی کی وجہ سے اپنی تعلیم جاری رکھنے میں مشکلات کا سامنا کرتے ہیں۔ انہوں نے مزید کہا کہ آئی جی ایف سی اسکالرشپ مستحق طلبہ کو اپنے تعلیمی خوابوں کی تکمیل میں مدد فراہم کرے گا۔یونیورسٹی آف تربت کے اساتذہ اور طلبہ نے صوبے بھر میں تعلیم کے فروغ، قیام امن اور سماجی و اقتصادی ترقی میں ایف سی بلوچستان ساؤتھ کی مسلسل کوششوں کو بے حد سراہا۔

International Seminar at LUAWMS Highlights Sustainable Agribusiness for Economic Growth

Balochistan Governor Announces Major Reforms in Medical Education, Targets 10,000 Skilled Professionals Annually

DigiBizz Program Celebrated for Empowering Balochistan Freelancers

Balochistan Education Department to Create 1,372 New Teaching and Non-Teaching Posts

Over 11,000 Students Receive Civic Education Training Under Balochistan Youth Development Program

Balochistan Finalizes PPP Framework to Improve Underperforming and Community Schools