نوکنڈی میں گھٹ واٹر سپلائی اسکیم کا افتتاح، روزانہ 30 ہزار گیلن پانی فراہم ہوگا
نوکنڈی میں عوام کو صاف پانی کی فراہمی کے لیے گھٹ واٹر سپلائی اسکیم کا افتتاح کر دیا گیا ہے۔ اس منصوبے کے تحت شہر کو روزانہ 30 ہزار گیلن پانی فراہم کیا جائے گا، جس سے علاقے میں پانی کی قلت کے مسئلے کے حل کی توقع ہے۔
رپورٹ: نعمت اللہ بلوچ
نوکنڈی کے عوام کو صاف اور پینے کے پانی کی بہتر سہولت فراہم کرنے کے لیے "گھٹ واٹر سپلائی اسکیم" کا باقاعدہ افتتاح کر دیا گیا۔ افتتاحی تقریب میں برگیڈیئر عامر خلیل اور ڈپٹی کمشنر چاغی عطاءالمنعم نے مشترکہ طور پر فیتہ کاٹ کر اسکیم کا آغاز کیا۔
اس اہم منصوبے کے تحت نوکنڈی شہر کو روزانہ 30 ہزار گیلن صاف پانی فراہم کیا جائے گا، جس سے علاقے میں پانی کی قلت کے مسئلے کے حل کے لیے امید بڑھ گئی ہے۔ تقریب کے دوران ایکسیئن پبلک ہیلتھ انجینئرنگ محمد عرفان ریئسانی نے منصوبے کی تفصیلات پر مبنی جامع بریفنگ دی، جس میں پانی کی ترسیل کے نظام، تکنیکی پہلو اور عوامی فوائد پر روشنی ڈالی گئی۔
گھٹ واٹر سپلائی اسکیم نہ صرف شہریوں کی بنیادی ضروریات پوری کرے گی بلکہ علاقے کی مجموعی ترقی اور معیارِ زندگی میں بہتری کے لیے بھی ایک سنگِ میل ثابت ہوگی۔
Related News
