نوشکی ڈی سی آفس میں ضلعی انٹیلی جنس و کوآرڈینیشن کمیٹیوں کا مشترکہ اجلاس

رپورٹ: نعمت اللہ بلوچ

نوشکی ڈی سی آفس میں ڈسٹرکٹ انٹیلی جنس کوآرڈینیشن کمیٹی اور ڈسٹرکٹ کوآرڈینیشن کمیٹی کا مشترکہ اجلاس منعقد ہوا، جس کی صدارت ڈپٹی کمشنر نوشکی نے کی۔ اجلاس میں کمانڈنٹ نوشکی ملیشیا، رکن صوبائی اسمبلی، اور مختلف متعلقہ محکموں کے افسران نے شرکت کی۔
اجلاس کے دوران گزشتہ میٹنگ میں ہونے والی پیش رفت کا تفصیلی جائزہ لیا گیا، جبکہ ضلع میں غیر قانونی اسپیکٹرم کے استعمال، پیٹرول پمپس کے خلاف کارروائیوں، مدارس کی رجسٹریشن، NCP گاڑیوں کی نگرانی اور منشیات کے حوالے سے کسٹمز و قانون نافذ کرنے والے اداروں کی کارکردگی پر بھی تبادلہ خیال کیا گیا۔
مزید برآں، اجلاس میں بی ایس ڈی آئی  فیز-1 کی جاری ترقیاتی اسکیموں سے متعلق متعلقہ افسران نے بریفنگ دی۔ حکام کے مطابق منصوبوں پر کام تسلی بخش انداز میں جاری ہے۔ اجلاس میں کھلی کچہریوں کے دوران موصول ہونے والی درخواستوں کی روشنی میں بی ایس ڈی آئی فیز-2 کے لیے سفارشات مرتب کرکے انہیں حتمی شکل بھی دی گئی۔
ڈپٹی کمشنر نوشکی نے تمام محکموں کو ہدایت کی کہ عوامی مسائل کے حل، ترقیاتی منصوبوں کے معیار اور قانون نافذ کرنے کے عمل کو بہتر بنانے کے لیے باہمی رابطے اور تعاون کو مزید موثر بنایا جائے۔

Twin Earthquakes Hit Barkhan and Nearby Areas, Three Injured

International Camel Conference Concludes at LUAWMS, Experts Stress Research for Climate Resilience

CM Balochistan, Corps Commander Review Ashura Security Arrangements at CPO Quetta

Balochistan CM Reviews Muharram Security Arrangements, Orders Strict Implementation of Safety Plan

Over 32,000 Security Personnel Deployed Across Balochistan for Ashura Processions

Quetta Ashura Procession Held Under Tight Security with Aerial Surveillance and Robotic Monitoring