خضدار پریس کلب کی تعمیر نو اور توسیع کے لئے ایک کروڑ روپے کا منصوبہ منظور

رپورٹ: عبدالجبار، خضدار

خضدار پریس کلب کی تعمیر نو اور توسیع کے لیے ایک کروڑ روپے کے ترقیاتی منصوبے کی منظوری دے دی گئی ہے۔ منصوبے کے تحت پریس کلب کی عمارت کی مرمت، تزئین و آرائش اور لائبریری کو جدید سہولیات سے آراستہ کیا جائے گا، جبکہ کام آئندہ چند روز میں شروع کر دیا جائے گا۔
بی ایس ڈی آئی انجینئر فیاض جمعہ نے محکمہ مواصلات و تعمیرات کے ایکسیئن سلیم رزاق عمرانی کے ہمراہ خضدار پریس کلب کا دورہ کیا۔ اس موقع پر پریس کلب کے صدر عبداللہ شاہوانی، عبدالجبار حسنی اور دیگر عہدیداروں نے ٹیم کا استقبال کیا اور عمارت کا تفصیلی معائنہ کروایا۔
دورے کے دوران انجینئرز نے کانفرنس ہال، نیوز روم، لائبریری، باؤنڈری وال اور مین گیٹ سمیت مختلف شعبوں کا جائزہ لیا اور تعمیر و توسیع کے حوالے سے اہم تجاویز پیش کیں۔ پریس کلب عہدیداروں نے امید ظاہر کی کہ ایک کروڑ روپے کی فنڈنگ سے دیرینہ مسائل حل ہوں گے اور صحافیوں کو معیاری اور جدید سہولیات میسر آئیں گی۔
بی ایس ڈی آئی انجینئر فیاض جمعہ نے گفتگو کرتے ہوئے کہا کہ منصوبے میں معیار اور میرٹ پر کوئی سمجھوتہ نہیں کیا جائے گا، اور بہترین تعمیر و مرمت کو ہر صورت یقینی بنایا جائے گا۔
یہ ترقیاتی منصوبہ نہ صرف خضدار پریس کلب کی خوبصورتی اور افادیت میں اضافہ کرے گا بلکہ صحافی برادری کے لیے ایک بہتر اور جدید ماحول کی راہ بھی ہموار کرے گا۔

CM Bugti Urges Youth to Reject Terrorism During ISPR Summer Camp Session

High-Level Committee Formed to Resolve Revenue and Land Issues in Kach Mangi

Government Schools and Police Stations in Ziarat to Be Renamed After Police Martyrs

CM Balochistan Seeks Summary to Revise Compensation for Police Martyrs' Families

Digital Complaint Portal Ensures Swift Action on Public Grievances in Balochistan

CM Balochistan Congratulates Women on Successful Completion of Entrepreneurship Program