ریکوڈک منصوبے میں مقامی افراد کو ترجیح، 705 ملازمین میں 76 فیصد مقامی
ریکوڈک مائننگ کمپنی کے مطابق منصوبے میں اس وقت 705 ملازمین کام کر رہے ہیں جن میں 76 فیصد مقامی افراد شامل ہیں، جن کا بڑا حصہ ضلع چاغی سے تعلق رکھتا ہے۔ کمپنی کا کہنا ہے کہ مقامی افراد کو روزگار، تربیت اور ترقی کے مواقع فراہم کر کے انہیں مستقبل میں قیادت کے لیے تیار کیا جا رہا ہے۔ منصوبے کے تحت صنفی شمولیت کو بھی فروغ دیا جا رہا ہے اور اس کا مقصد ضلع چاغی میں پائیدار ترقی اور مقامی کمیونٹیز کو مضبوط بنانا
ریکوڈک منصوبے میں مقامی افراد کو ترجیح، 705 ملازمین میں 76 فیصد مقامی ہیں
رپورٹ: عروبہ شہزاد
ریکوڈک مائننگ کمپنی (RDMC) نے ریکوڈک منصوبے میں مقامی افراد کو ترقی کا محور قرار دیتے ہوئے بتایا ہے کہ اس وقت منصوبے میں مجموعی طور پر 705 ملازمین خدمات انجام دے رہے ہیں، جن میں 76 فیصد کا تعلق مقامی علاقوں سے ہے۔ کمپنی کے مطابق افرادی قوت میں 11 فیصد غیر ملکی جبکہ 13 فیصد دیگر قومی سطح کے ملازمین شامل ہیں، جو اس بات کا ثبوت ہے کہ منصوبے میں بلوچستان خصوصاً ضلع چاغی کے افراد کو ترجیح دی جا رہی ہے۔
ریکوڈک مائننگ کمپنی کا کہنا ہے کہ بلوچستان سے تعلق رکھنے والے ملازمین میں 67 فیصد کا تعلق ضلع چاغی، 10 فیصد کوئٹہ، 4 فیصد نوشکی جبکہ 19 فیصد دیگر علاقوں سے ہے۔ انتظامیہ کے مطابق منصوبے کے تحت آپریشنل، تکنیکی اور انتظامی سطح پر مقامی افراد کے لیے روزگار اور ترقی کے مواقع پیدا کیے جا رہے ہیں، تاکہ مقامی ٹیلنٹ مستقبل میں قیادت کا کردار ادا کر سکے۔کمپنی کے مطابق اسی مقصد کے تحت مختلف تکنیکی اداروں کے اشتراک سے خصوصی تربیتی پروگرام متعارف کرائے گئے ہیں، جن کے ذریعے نوجوانوں کو جدید مہارتوں سے آراستہ کیا جا رہا ہے۔ اعداد و شمار کے مطابق منصوبے میں صنفی شمولیت پر بھی توجہ دی جا رہی ہے، جہاں مجموعی افرادی قوت میں 12 فیصد خواتین جبکہ 88 فیصد مرد شامل ہیں۔
ریکوڈک انتظامیہ کا مزید کہنا ہے کہ منصوبے کا مقصد صرف ایک کان کی تعمیر نہیں بلکہ مقامی کمیونیٹیز کو مضبوط بناتے ہوئے ضلع چاغی میں پائیدار ترقی کو فروغ دینا اور آنے والی نسلوں کو بااختیار بنانا ہے۔
Related News
.jpeg)
