لورالائی کے زیتون سے تیار پاکستانی اولیو آئل نے لندن میں گولڈ میڈل جیت لیا

لندن: بلوچستان کے ضلع لورالائی میں پیدا ہونے والے زیتون سے تیار کردہ پاکستانی پریمیئم زیتون کے تیل کے برانڈ نے لندن انٹرنیشنل اولیو آئل کمپیٹیشن 2026 میں گولڈ میڈل حاصل کر کے پاکستان کے لیے بین الاقوامی اعزاز اپنے نام کر لیا۔

برانڈ کے بانی محمد حسن ترین نے کہا کہ لورالائی کے زیتون سے تیار کردہ ایکسٹرا ورجن اولیو آئل نے دنیا بھر کے تقریباً 1,200 سے 1,300 برانڈز کے درمیان یہ اعزاز حاصل کیا، جو پاکستان کی ابھرتی ہوئی زیتون کی صنعت کے لیے ایک اہم کامیابی ہے۔

انہوں نے کہا کہ پاکستان، خصوصاً بلوچستان میں زیتون کی کاشت کے وسیع امکانات موجود ہیں اور حکومت کی جانب سے عالمی معیار کی زیتون کی اقسام کی کاشت کو فروغ دیا جا رہا ہے۔ ان کے مطابق پاکستان کی انٹرنیشنل اولیو کونسل کی مستقل رکنیت بھی اس شعبے کی ترقی میں اہم پیش رفت ہے۔

محمد حسن ترین نے امید ظاہر کی کہ اس کامیابی سے بلوچستان کے زیتون اور پاکستان کے ایکسٹرا ورجن اولیو آئل کو عالمی سطح پر مزید پذیرائی ملے گی اور مقامی کاشتکاروں کے لیے نئے مواقع پیدا ہوں گے۔

Keywords : Loralai, Balochistan Olive Oil, London International Olive Oil Competition 2026, Pakistan Agriculture

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands