ماحولیاتی تبدیلی سے گوادر اور مکران کے ساحلی علاقوں میں سمندری حیات شدید متاثر

رپورٹ: ظریف بلوچ

گوادر سمیت مکران کے ساحلی علاقوں میں ماحولیاتی تبدیلی کے باعث سمندر کا پانی غیر معمولی طور پر سبز رنگ اختیار کر گیا ہے، جس کی وجہ الجی بلوم بتائی جا رہی ہے۔ اس صورتحال کے باعث گوادر، پسنی، جیوانی اور اورماڑہ کے ساحلی علاقوں میں سمندری حیات شدید متاثر ہوئی ہے۔
الجی بلوم کے نتیجے میں سمندر کے پانی میں آکسیجن کی سطح میں نمایاں کمی واقع ہوئی ہے، جس کے باعث ساحلی علاقوں میں بدبو پھیل گئی ہے اور مقامی آبادی کو مشکلات کا سامنا ہے۔ تیز ہواؤں اور بلند لہروں کے سبب بڑی مقدار میں الجی ساحل کے قریب جمع ہو گئی، جبکہ درجنوں مچھلیاں جن میں گٹار فش (کھگا) بھی شامل ہے، مردہ حالت میں پائی گئی ہیں۔
ذرائع کے مطابق خوراک کی کمی اور آلودہ پانی کے باعث کئی سائبریرین پرندے بھی ہلاک ہو چکے ہیں، جبکہ اب تک تقریباً دو سو کے قریب سمندری سانپ مردہ حالت میں مل چکے ہیں۔ ماہرین کے مطابق اگرچہ الجی بلوم ایک قدرتی عمل ہے، تاہم اس کے فوری اثرات سمندری حیات کے لیے انتہائی خطرناک ثابت ہو سکتے ہیں۔

حکام نے صورتحال پر کڑی نظر رکھنے کے ساتھ ماہی گیروں کو محتاط رہنے کی ہدایت جاری کر دی ہے۔ ماہرِ آبی حیات عبدالرحیم بلوچ نے بھی عوام کو آگاہی فراہم کرتے ہوئے کہا ہے کہ شہری اور ماہی گیر حفاظتی تدابیر پر عمل کریں۔ ماہرین ماحولیات نے اپیل کی ہے کہ کسی بھی غیر معمولی صورتحال کی فوری اطلاع متعلقہ اداروں کو دی جائے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands