آپریشن شعبان: وفاقی وزیر داخلہ محسن نقوی کا سیکیورٹی فورسز کو خراجِ تحسین

اسلام آباد: وفاقی وزیر داخلہ محسن نقوی نے بلوچستان کے علاقے شعبان میں آپریشن شعبان کے دوران سیکیورٹی فورسز کی کامیاب کارروائیوں کو سراہتے ہوئے پاک فوج، ایف سی بلوچستان اور پولیس کو خراجِ تحسین پیش کیا ہے۔

وزارت داخلہ کی جانب سے جاری بیان کے مطابق آپریشن کے دوران مزید دہشت گرد ہلاک کیے گئے، جبکہ وفاقی وزیر داخلہ نے سیکیورٹی فورسز کی پیشہ ورانہ صلاحیتوں، جرات اور غیرمتزلزل عزم کو سراہتے ہوئے کہا کہ فورسز نے دہشت گردوں کے مذموم عزائم کو ناکام بنایا۔

محسن نقوی نے کہا کہ بلوچستان میں امن کے قیام کے لیے پاک فوج، ایف سی بلوچستان اور پولیس کی قربانیاں اور کامیابیاں ملکی تاریخ کا ایک سنہری باب ہیں۔ انہوں نے کہا کہ دہشت گرد ملک اور قوم پر بوجھ ہیں اور ان کا مکمل خاتمہ ناگزیر ہے، جبکہ امن خراب کرنے والوں کو کہیں بھی پناہ نہیں ملے گی۔

وزیر داخلہ نے کہا کہ پوری قوم اپنی سیکیورٹی فورسز کے شانہ بشانہ کھڑی ہے۔ انہوں نے کہا کہ آپریشن شعبان اور دیگر انٹیلی جنس بیسڈ آپریشنز کے دوران اب تک 114 غیر ملکی دہشت گردوں کا خاتمہ اس بات کا ثبوت ہے کہ پاکستانی سیکیورٹی فورسز ہر سطح پر متحرک، پیشہ ور اور مکمل طور پر چوکس ہیں۔

انہوں نے اس عزم کا اعادہ کیا کہ دہشت گردی کے مکمل خاتمے تک سیکیورٹی فورسز کی کارروائیاں جاری رہیں گی اور ملک میں امن و استحکام کے قیام کے لیے تمام ضروری اقدامات کیے جائیں گے۔

 

Keywords : Operation Shabaan, Mohsin Naqvi, Balochistan Security, Counterterrorism Operation

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands