کوئٹہ میں رائٹ ٹو انفارمیشن ایکٹ 2021 پر ملٹی اسٹیک ہولڈر کانفرنس، شفافیت اور احتساب کے فروغ کے عزم کا اعادہ

رپورٹ: سیدہ نتاشا

کوئٹہ میں رائٹ ٹو انفارمیشن ایکٹ 2021 کے حوالے سے ایک اہم ملٹی اسٹیک ہولڈر کانفرنس منعقد ہوئی، جس کا اہتمام ایڈ بلوچستان نے نیشنل اینڈومنٹ فار ڈیموکریسی کے تعاون سے کیا۔ کانفرنس میں مختلف شعبہ ہائے زندگی سے تعلق رکھنے والے افراد، پبلک اکاونٹیبلٹی فورم اور یوتھ پبلک اکاونٹیبلٹی فورم کے اراکین نے بڑی تعداد میں شرکت کی۔

تقریب کے مہمانِ خصوصی رکن صوبائی اسمبلی اور اسٹینڈنگ کمیٹی برائے اطلاعات کے چیئرمین میر رحمت صالح بلوچ تھے۔ دیگر شرکاء میں ایم پی اے خیر جان بلوچ، سیاسی و سماجی رہنما ڈاکٹر اسحاق بلوچ، انفارمیشن کمیشنر عبدالشکور، ایگزیکٹو ڈائریکٹر ایڈ بلوچستان عادل جہانگیر اور سینئر صحافی میر بہرام بلوچ سمیت دیگر نمایاں شخصیات شامل تھیں۔
مقررین نے خطاب کرتے ہوئے کہا کہ معلومات تک رسائی ہر شہری کا بنیادی حق ہے اور رائٹ ٹو انفارمیشن ایکٹ 2021 شفافیت، احتساب اور بہتر طرز حکمرانی کے فروغ میں اہم کردار ادا کر رہا ہے۔ انہوں نے انفارمیشن کمیشن کے چیف کمشنر اور دیگر کمشنرز کی تعیناتی، پبلک انفارمیشن آفیسرز کی نامزدگی اور ان کی تربیت کو یقینی بنانے کی ضرورت پر زور دیا تاکہ عوام کو بروقت اور درست معلومات فراہم کی جا سکیں اور فیک نیوز کی روک تھام ممکن ہو۔
اس موقع پر انفارمیشن کمیشنر عبدالشکور نے ایکٹ کے مختلف پہلوؤں پر تفصیلی بریفنگ دی۔ کانفرنس کے دوران ایک پینل ڈسکشن بھی منعقد ہوئی جس میں ماہرین نے ایکٹ کے مؤثر نفاذ، درپیش چیلنجز اور آگاہی کے فروغ پر تبادلہ خیال کیا۔
پروگرام کی میزبانی میر بہرام لہڑی نے کی جبکہ اختتامی کلمات سینئر صحافی اور آر ٹی آئی ماہر میر بہرام بلوچ نے پیش کیے۔ شرکاء نے سوالات بھی کیے اور شفافیت و احتساب کے نظام کو مزید مؤثر بنانے کے لیے تجاویز پیش کیں۔
تقریب کے اختتام پر مہمانوں میں یادگاری شیلڈز تقسیم کی گئیں اور بلوچستان میں رائٹ ٹو انفارمیشن ایکٹ کے حوالے سے آگاہی مہم کو مزید وسعت دینے کے عزم کا اعادہ کیا گیا۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands