کرپشن کے خاتمے میں طلبہ کا کردار، نیب بلوچستان اور یونیورسٹی آف لورالائی کا ویبینار

کوئٹہ: نیب بلوچستان اور یونیورسٹی آف لورالائی کے اشتراک سے ’’کرپشن کے خاتمے میں طلبہ کا کردار‘‘ کے موضوع پر ایک ویبینار کا انعقاد کیا گیا، جس کا مقصد نوجوانوں میں کرپشن کے مضر اثرات سے متعلق آگاہی پیدا کرنا اور ایک شفاف اور کرپشن سے پاک معاشرے کے قیام کے لیے اجتماعی کوششوں کو فروغ دینا تھا۔

ویبینار میں یونیورسٹی آف لورالائی کے وائس چانسلر احسان اللہ کاکڑ، اساتذہ، فیکلٹی اراکین اور طلبہ کی بڑی تعداد نے شرکت کی۔ مقررین نے نیب کے وژن اور مشن پر روشنی ڈالتے ہوئے اس بات پر زور دیا کہ طلبہ معاشرے کا ایک اہم طبقہ ہیں اور کرپشن کے خلاف مؤثر کردار ادا کر سکتے ہیں۔

نیب بلوچستان کے ڈپٹی ڈائریکٹر خرم شہزاد نے اپنے خطاب میں طلبہ پر زور دیا کہ وہ دیانتداری، امانت داری اور خود احتسابی کو اپنی شخصیت کا حصہ بنائیں تاکہ کرپشن کے خلاف نفرت ان کے کردار میں رچ بس جائے۔ انہوں نے کہا کہ اسلامی تعلیمات بھی خود احتسابی اور دیانت داری کی تلقین کرتی ہیں اور کرپشن یا بے ایمانی کی کسی صورت اجازت نہیں دیتیں۔

انہوں نے کہا کہ اقربا پروری، رشوت ستانی، اختیارات کا ناجائز استعمال، بھتہ خوری اور پسند و ناپسند کی بنیاد پر فیصلے کرنا کرپشن کی بنیادی وجوہات ہیں، تاہم افسوسناک امر یہ ہے کہ معاشرے میں ان رویوں کو معمول سمجھا جانے لگا ہے۔ انہوں نے اس رجحان کے خاتمے کے لیے نوجوان نسل کے فعال کردار کی ضرورت پر زور دیا۔

نیب بلوچستان کے ایڈیشنل ڈائریکٹر احتشام الحق نے خطاب کرتے ہوئے کہا کہ طلبہ پاکستان کا مستقبل ہیں اور علم کے حصول میں محنت اور دیانت داری کے ذریعے وہ ملک کی ترقی میں ریڑھ کی ہڈی کا کردار ادا کر سکتے ہیں۔ انہوں نے ویبینار کے دوران طلبہ اور اساتذہ کے سوالات کے جوابات بھی دیے۔

اس موقع پر وائس چانسلر احسان اللہ کاکڑ اور یونیورسٹی انتظامیہ نے نیب بلوچستان کی کرپشن کے خلاف آگاہی مہم کو سراہتے ہوئے اس سلسلے میں ہر ممکن تعاون جاری رکھنے کے عزم کا اظہار کیا۔ ویبینار کے اختتام پر دونوں اداروں کی جانب سے باہمی تعاون اور اظہارِ تشکر کیا گیا۔

Keywords : Anti-Corruption Awareness, Student's Role, NAB Balochistan, University of Loralai

Balochistan Board Announces FA/FSc Annual Examination 2026 Results

HEC Conducts Scholarship Aptitude Test for Female Students Across Balochistan

Balochistan School Education Secretary Attends Little Scientist Day Exhibition in Quetta

Governor Chairs University of Loralai Senate Meeting, Calls for Quality Education and Financial Sustainability

Balochistan Announces Summer Vacations for Winter Zone Schools

BBISE Introduces New Practical Examination System for Matric Students