ایس او ایس چلڈرن ولیج میں نئے سال کی خوشیوں بھری تقریب، وزیر اعلیٰ بلوچستان کی جانب سے بچوں کے لیے کیک اور تحائف.

رپورٹ: سیدہ نتاشا

کوئٹہ ایس او ایس چلڈرن ولیج میں نئے سال کی آمد کے موقع پر  پُرمسرت تقریب کا انعقاد کیا گیا، جہاں زیرِ کفالت بچوں نے نئے سال کا آغاز جوش و خروش اور مسکراہٹوں کے ساتھ کیا۔
وزیر اعلیٰ بلوچستان میر سرفراز بگٹی کی خصوصی ہدایات پر بچوں کے لیے کیک اور تحائف بھجوائے گئے، جس سے تقریب کی رونقیں مزید بڑھ گئیں۔ اس موقع پر وزیر اعلیٰ بلوچستان نے اپنے پیغام میں کہا کہ بچے کسی بھی قوم کا سب سے قیمتی سرمایہ ہوتے ہیں اور ان کی فلاح، تعلیم، صحت اور خوشیوں کا تحفظ ریاست کی بنیادی ذمہ داری ہے۔

انہوں نے کہا کہ ایس او ایس چلڈرن ولیج جیسے فلاحی ادارے مستحق اور بے سہارا بچوں کے لیے امید کی کرن ہیں اور صوبائی حکومت ان اداروں کے ساتھ تعاون کو مزید مؤثر اور مضبوط بنائے گی۔
وزیر اعلیٰ نے کہا کہ نئے سال کا آغاز بچوں کی مسکراہٹوں کے ساتھ کرنا اس عزم کی تجدید ہے کہ بلوچستان حکومت بچوں کی فلاح و بہبود، محفوظ ماحول اور روشن مستقبل کے لیے تمام تر وسائل بروئے کار لاتی رہے گی۔
تقریب کے اختتام پر بچوں نے خوشی کا اظہار کرتے ہوئے وزیر اعلیٰ بلوچستان کی خصوصی توجہ اور شفقت پر ان کا شکریہ ادا کیا اور نیک تمناؤں کا اظہار کیا۔

Twin Earthquakes Hit Barkhan and Nearby Areas, Three Injured

International Camel Conference Concludes at LUAWMS, Experts Stress Research for Climate Resilience

CM Balochistan, Corps Commander Review Ashura Security Arrangements at CPO Quetta

Balochistan CM Reviews Muharram Security Arrangements, Orders Strict Implementation of Safety Plan

Over 32,000 Security Personnel Deployed Across Balochistan for Ashura Processions

Quetta Ashura Procession Held Under Tight Security with Aerial Surveillance and Robotic Monitoring