بلوچستان میں ریاست دشمن عناصر کے لیے کوئی جگہ نہیں، وزیر اعلیٰ میر سرفراز بگٹی

رپورٹ: سیدہ نتاشا

وزیر اعلیٰ بلوچستان میر سرفراز بگٹی نے ضلع پنجگور میں سیکیورٹی فورسز کی جانب سے کیے گئے کامیاب انٹیلی جنس بیسڈ آپریشن پر اطمینان کا اظہار کرتے ہوئے فورسز کی پیشہ ورانہ صلاحیتوں، جرات اور بروقت کارروائی کو سراہا ہے۔
اپنے ایک بیان میں وزیر اعلیٰ نے کہا کہ بھارتی سرپرستی میں سرگرم دہشت گردوں کے خلاف یہ کامیاب کارروائی اس بات کا ثبوت ہے کہ پاکستان کی سیکیورٹی فورسز اور قانون نافذ کرنے والے ادارے ملک کے دفاع اور عوام کے تحفظ کے لیے ہمہ وقت تیار ہیں۔
انہوں نے کہا کہ دہشت گردی کے خلاف جنگ میں سیکیورٹی فورسز کی قربانیاں ناقابلِ فراموش ہیں اور پوری قوم ان کے شانہ بشانہ کھڑی ہے۔ میر سرفراز بگٹی نے واضح کیا کہ بلوچستان میں بدامنی پھیلانے والے ریاست دشمن عناصر کے لیے کوئی جگہ نہیں، اور عوام کے جان و مال کے تحفظ کے لیے دہشت گردی کے خلاف کارروائیاں بلا تفریق اور پوری قوت کے ساتھ جاری رہیں گی۔
وزیر اعلیٰ نے کہا کہ صوبائی حکومت امن و امان کی صورتحال کو مزید مستحکم بنانے کے لیے سیکیورٹی فورسز کے ساتھ مکمل تعاون جاری رکھے گی۔ انہوں نے وفاقی ایپکس کمیٹی کی جانب سے منظور کردہ نیشنل ایکشن پلان کے تحت “عزمِ استحکام” کے وژن پر عملدرآمد کرتے ہوئے غیر ملکی سرپرستی میں ہونے والی دہشت گردی کے مکمل خاتمے کے عزم کا اعادہ کیا۔
میر سرفراز بگٹی نے کہا کہ بلوچستان میں پائیدار امن، ترقی اور خوشحالی کے لیے کسی بھی قربانی سے دریغ نہیں کیا جائے گا۔ آخر میں وزیر اعلیٰ نے کامیاب آپریشن میں حصہ لینے والے سیکیورٹی اہلکاروں کو خراجِ تحسین پیش کرتے ہوئے ان کے لیے نیک تمناؤں کا اظہار کیا۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands