پاک بحریہ کی قیادت میں گوادر ڈے کی شاندار تقریبات

گوادر (رپورٹ: ظریف بلوچ)

ہر سال کی طرح اس سال بھی گوادر میں پاک بحریہ کے زیر اہتمام گوادر ڈے کی تقریبات کا آغاز کیا گیا۔ اس موقع پر پاک بحریہ کے کمانڈر ویسٹ، کموڈور تصور اقبال کے ہمراہ ڈپٹی کمشنر گوادر، چیئرمین گوادر پورٹ اتھارٹی، اور تینوں مسلح افواج کے افسران و جوان پی این ایس اکرم پر پرچم کشائی کی تقریب میں شریک ہوئے۔
پاک بحریہ کے چاک چوبند دستے نے قومی پرچم کو سلامی پیش کی اور تقریب کو جذبۂ حب الوطنی سے بھر دیا۔ پاکستان کی تاریخ میں یہ دن اہم سنگِ میل رکھتا ہے، کیونکہ 8 دسمبر 1958ء کو پاکستانی پرچم لہرایا گیا اور گوادر کو باضابطہ طور پر پاکستان میں ضم کر لیا گیا تھا۔ اس موقع پر پرچم لہرانے کا اعزاز لیفٹیننٹ افتخار احمد سروہی کو حاصل ہوا، جو بعد میں چیف آف نیول اسٹاف بھی رہے۔
پاک بحریہ کی جانب سے ہر سال 8 دسمبر یومِ گوادر کے طور پر منایا جاتا ہے اور اس سلسلے میں مختلف تقریبات کا انعقاد کیا جاتا ہے۔ اس سال بھی گوادر ڈے شاندار انداز میں منایا گیا، اور متعدد تقریبات کا اہتمام کیا گیا۔ گوادر پورٹ پر عوام اور طلباء کے لیے پاک بحریہ کے جنگی جہاز پی این ایس ٹیپو سلطان کھول دیے گئے، جبکہ سمندر میں دشمن اور مجرمانہ سرگرمیوں کے خلاف آپریشنل ڈیمو بھی پیش کیا گیا، جس نے تقریب کو چار چاند لگا دیے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands