سابق امیرِ قطر شیخ حمد بن خلیفہ آل ثانی کے انتقال پر پاکستان میں قومی یومِ سوگ کا اعلان

اسلام آباد: حکومت پاکستان نے قطر کے سابق امیر  شیخ حمد بن خلیفہ آل ثانی کے انتقال پر پیر، 13 جولائی 2026 کو ملک بھر میں یومِ سوگ منانے کا اعلان کیا ہے۔ وزیراعظم محمد شہباز شریف کی ہدایت پر جاری نوٹیفکیشن کے مطابق پاکستانی عوام اور حکومت کی جانب سے قطر کے شاہی خاندان، حکومت اور عوام سے اظہارِ یکجہتی کے لیے قومی پرچم ملک بھر میں سرنگوں رہے گا۔

وزیراعظم شہباز شریف نے سابق امیر قطر کے انتقال پر گہرے رنج و غم کا اظہار کرتے ہوئے اپنے تعزیتی پیغام میں امیرِ قطر شیخ تمیم بن حمد آل ثانی، آل ثانی خاندان، حکومت اور برادر عوامِ قطر سے دلی ہمدردی اور تعزیت کا اظہار کیا۔ انہوں نے کہا کہ مرحوم شیخ حمد بن خلیفہ آل ثانی ایک مدبر رہنما اور عظیم ریاستی شخصیت تھے، جن کی بصیرت، دور اندیشی اور عوامی خدمت کے جذبے نے قطر کو ایک جدید، خوشحال اور عالمی سطح پر باوقار ریاست میں تبدیل کیا۔

وزیراعظم نے کہا کہ مرحوم کی قومی ترقی، عوامی فلاح، علاقائی امن، ترقی اور بین الاقوامی تعاون کے لیے خدمات کو ہمیشہ یاد رکھا جائے گا۔ انہوں نے مزید کہا کہ پاکستان اس غم کی گھڑی میں قطر کے ساتھ مکمل یکجہتی کا اظہار کرتا ہے اور مرحوم کی پاکستان سے محبت، گرمجوشی اور متعدد یادگار دوروں کو ہمیشہ قدر کی نگاہ سے دیکھا جائے گا۔ وزیراعظم نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگوار خاندان اور عوامِ قطر کو یہ صدمہ صبر و استقامت کے ساتھ برداشت کرنے کی توفیق دے۔

صدر مملکت آصف علی زرداری نے بھی شیخ حمد بن خلیفہ آل ثانی کے انتقال پر گہرے دکھ اور افسوس کا اظہار کرتے ہوئے امیرِ قطر شیخ تمیم بن حمد آل ثانی، حکومتِ قطر اور برادر عوام سے دلی تعزیت کی۔ صدر نے مرحوم کی بصیرت افروز قیادت کو خراجِ تحسین پیش کرتے ہوئے کہا کہ انہوں نے قطر کی ترقی و خوشحالی کے ساتھ ساتھ خطے میں امن، استحکام اور تعاون کے فروغ میں نمایاں کردار ادا کیا۔ انہوں نے دعا کی کہ اللہ تعالیٰ مرحوم کو جنت میں اعلیٰ مقام عطا فرمائے اور اہلِ خانہ اور عوامِ قطر کو اس ناقابلِ تلافی نقصان پر صبر جمیل عطا کرے۔

 

Keywords : Qatar Former Emir, National Mourning Pakistan, Sheikh Hamad bin Khalifa Al Thani, Pakistan-Qatar Relations

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands