مکران کوسٹل ہائی وے پر مسافر بس حادثہ، وزیر اعلیٰ بلوچستان کا گہرے دکھ اور افسوس کا اظہار

رپورٹ: سیدہ نتاشا

گوادر: مکران کوسٹل ہائی وے پر کراچی سے جیوانی جانے والی مسافر بس کو حادثہ پیش آیا۔ ایس پی گوادر اسلم بنگلزئی کے مطابق بس میں 45 مسافر سوار تھے، حادثے کے نتیجے میں 36 افراد زخمی ہو گئے جن میں 7 کی حالت تشویشناک ہے۔ جاں بحق اور زخمی افراد کو فوری طور پر اورماڑہ اسپتال منتقل کر دیا گیا۔

حادثے پر وزیر اعلیٰ بلوچستان میر سرفراز بگٹی نے گہرے دکھ اور افسوس کا اظہار کرتے ہوئے قیمتی انسانی جانوں کے ضیاع پر رنج و غم کا اظہار کیا ہے۔ وزیر اعلیٰ نے زخمیوں کی جلد صحت یابی کے لیے دعا کی اور ڈپٹی کمشنر گوادر کو ہدایت کی کہ زخمی مسافروں کو بہترین طبی سہولیات اور علاج معالجہ فراہم کیا جائے۔
وزیر اعلیٰ بلوچستان نے جاں بحق افراد کے جسدِ خاکی ان کے آبائی علاقوں تک پہنچانے کے لیے ایمبولینس سروس فراہم کرنے کے احکامات بھی جاری کیے ہیں۔ انہوں نے ٹریفک حادثے میں سوگوار خاندانوں سے دلی تعزیت کا اظہار کرتے ہوئے واقعے کی تفصیلی رپورٹ طلب کر لی ہے اور حادثے کی باقاعدہ انکوائری کا حکم دے دیا ہے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands