بلوچستان میں 3 لاکھ 28 ہزار خاندانوں کے لیے 6 ارب روپے کے رمضان پیکج کا اعلان

رپورٹ: سیدہ نتاشا

پی ڈی ایم اے کے ڈائریکٹر جنرل جہانزیب خان نے پریس کانفرنس سے خطاب کرتے ہوئے کہا ہے کہ بلوچستان کے وزیراعلیٰ کی ہدایت پر صوبے کے 3 لاکھ 28 ہزار مستحق خاندانوں کے لیے 6 ارب روپے مالیت کا خصوصی رمضان پیکج تیار کیا گیا ہے۔
انہوں نے بتایا کہ یہ پیکج صوبے کے تمام اضلاع میں تقسیم کیا جائے گا اور اس بار تقسیم کار کا طریقہ کار تبدیل کیا گیا ہے تاکہ شفافیت کو یقینی بنایا جا سکے۔ پیکج کی تقسیم آٹھ رکنی ڈسٹرکٹ کوآرڈینیشن کمیٹی کے ذریعے عمل میں لائی جائے گی۔
ڈی جی پی ڈی ایم اے کے مطابق 20 سے زائد اضلاع میں رمضان پیکج پہلے ہی پہنچایا جا چکا ہے، جبکہ باقی اضلاع میں بھی جلد فراہمی یقینی بنائی جائے گی۔ انہوں نے واضح کیا کہ پیکج کے معیار پر کسی قسم کا کمپرومائز نہیں کیا جائے گا اور راشن صرف مستحق اور غریب خاندانوں تک پہنچایا جائے گا۔

جہانزیب خان کا کہنا تھا کہ راشن کی تقسیم کی نگرانی کے لیے ایک خصوصی سیل قائم کیا گیا ہے جو پورے عمل کی باقاعدہ مانیٹرنگ کرے گا۔ انہوں نے مزید بتایا کہ یہ پیکج ہر خاندان کی 15 دن کی ضروریات کو مدنظر رکھتے ہوئے ترتیب دیا گیا ہے۔
ڈی جی پی ڈی ایم اے نے اس عزم کا اظہار کیا کہ حکومت مستحق افراد تک ریلیف کی منصفانہ اور شفاف فراہمی کو ہر صورت یقینی بنائے

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands