بلوچستان کے برف باری سے متاثرہ علاقوں میں پی ڈی ایم اے کا مؤثر ریسکیو آپریشن مکمل

رپورٹ:سیدہ نتاشا

بلوچستان کے برف باری سے شدید متاثرہ علاقوں میں صوبائی ڈیزاسٹر مینجمنٹ اتھارٹی (پی ڈی ایم اے) نے مؤثر اور بروقت ریسکیو آپریشن مکمل کر لیا ہے۔ معاون وزیر اعلیٰ بلوچستان برائے سیاسی و میڈیا امور شاہد رند کے مطابق شدید برف باری کے باعث مختلف شاہراہوں پر پھنسنے والی درجنوں گاڑیوں کو بحفاظت نکال لیا گیا جبکہ مسافروں کو محفوظ مقامات پر منتقل کر دیا گیا۔

انہوں نے بتایا کہ شدید سردی اور دشوار گزار حالات میں پھنسے سینکڑوں مسافروں کو بروقت ریسکیو کرکے قیمتی انسانی جانیں بچائی گئیں، جو پی ڈی ایم اے اور دیگر امدادی اداروں کی پیشہ ورانہ صلاحیتوں کا واضح ثبوت ہے۔
وزیر اعلیٰ بلوچستان میر سرفراز بگٹی نے پی ڈی ایم اے بلوچستان اور ریسکیو آپریشن میں حصہ لینے والی تمام ٹیموں کی کارکردگی کو سراہتے ہوئے انہیں خراجِ تحسین پیش کیا ہے۔ وزیر اعلیٰ نے ریسکیو آپریشن کی نگرانی کرنے والے افسران اور فیلڈ میں خدمات انجام دینے والی ٹیموں کے لیے حسنِ کارکردگی سرٹیفکیٹس دینے کا بھی اعلان کیا ہے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands