کے ٹو ایئرویز کا کارگو طیارہ کراچی کے قریب لاپتا، وزیراعظم شہباز شریف اور صدر آصف زرداری کی اظہارِ تشویش

اسلام آباد/کراچی: وزیراعظم شہباز شریف اور صدر آصف علی زرداری نے شارجہ سے کراچی آنے والے کے ٹو ایئرویز کے لاپتا کارگو طیارے کے واقعے پر گہرے دکھ اور تشویش کا اظہار کیا ہے۔

وزیراعظم شہباز شریف نے سول ایوی ایشن اتھارٹی، پاکستان نیوی اور پاک فضائیہ کو ہدایت کی ہے کہ لاپتا طیارے کی تلاش اور ریسکیو آپریشن کے لیے تمام دستیاب وسائل بروئے کار لائے جائیں۔ انہوں نے طیارے کے عملے کے اہل خانہ سے اظہارِ ہمدردی بھی کیا۔

پاکستان ایئرپورٹس اتھارٹی (PAA) کے مطابق کارگو طیارہ ریڈار پر اچانک تیزی سے نیچے اترتا ہوا اور اپنی سمت میں غیر معمولی تبدیلی کرتا ہوا دیکھا گیا، جس کے بعد کراچی سے تقریباً 287 کلومیٹر مغرب میں اس سے ریڈار اور مواصلاتی رابطہ منقطع ہو گیا۔

فلائٹ ریڈار کے مطابق رجسٹریشن نمبر AP-BOI رکھنے والا یہ بوئنگ 737-4M0(BDSF) کارگو طیارہ 2024 میں کے ٹو ایئرویز کے بیڑے میں شامل ہوا تھا۔ یہ طیارہ 1999 میں ایروفلوٹ کے لیے مسافر طیارے کے طور پر تیار کیا گیا، بعد ازاں گارودا انڈونیشیا کے زیرِ استعمال رہا، جبکہ 2012 میں اسے کارگو طیارے میں تبدیل کرنے کے بعد ٹی این ٹی ایئرویز اور اے ایس ایل ایئرلائنز بھی اسے چلاتی رہیں۔

صدر آصف علی زرداری نے بھی واقعے پر گہری تشویش کا اظہار کرتے ہوئے طیارے کے عملے اور ان کے اہل خانہ کے لیے نیک خواہشات کا اظہار کیا اور جاری سرچ اینڈ ریسکیو آپریشن کی کامیابی کے لیے دعا کی۔

 

Keywords : K2 Airways, Cargo Plane, Shehbaz Sharif, Karachi Radar Contact Lost

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands