نیشنل ایکشن پلان ایپکس کمیٹی اجلاس: وزیراعظم شہباز شریف کا دہشت گردی کے مکمل خاتمے کے عزم کا اعادہ

کوئٹہ: وزیراعظم محمد شہباز شریف کی زیر صدارت نیشنل ایکشن پلان کی صوبائی ایپکس کمیٹی کا اجلاس منعقد ہوا، جس میں چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر، گورنر بلوچستان جعفر خان مندوخیل، وزیراعلیٰ بلوچستان میر سرفراز بگٹی، وفاقی وزراء احد خان چیمہ، عطا اللہ تارڑ، وزیراعظم کے مشیر رانا ثناء اللہ اور قانون نافذ کرنے والے اداروں کے سربراہان نے شرکت کی۔

اجلاس سے خطاب کرتے ہوئے وزیراعظم شہباز شریف نے دہشت گردی کے مکمل خاتمے کے لیے سیاسی اور عسکری قیادت کے غیرمتزلزل عزم کا اعادہ کرتے ہوئے کہا کہ ملک سے آخری دہشت گرد کے خاتمے تک دہشت گردوں کے خلاف کارروائیاں جاری رہیں گی۔

وزیراعظم نے کہا کہ گزشتہ چند روز کے دوران بلوچستان میں پیش آنے والے دہشت گردی کے واقعات میں سیکیورٹی اہلکاروں، پولیس اور شہریوں کی شہادت پر پوری قوم غمزدہ ہے اور آزمائش کی اس گھڑی میں مسلح افواج اور قانون نافذ کرنے والے اداروں کے شانہ بشانہ کھڑی ہے۔

انہوں نے بتایا کہ حالیہ کارروائیوں کے دوران سیکیورٹی فورسز نے 54 دہشت گردوں کو ہلاک کیا۔ وزیراعظم نے سیکیورٹی فورسز، پولیس اور قانون نافذ کرنے والے اداروں کی قربانیوں کو خراجِ تحسین پیش کرتے ہوئے کہا کہ دہشت گردی کے ناسور کے مکمل خاتمے تک دن رات کوششیں جاری رکھی جائیں گی۔

وزیراعظم نے کہا کہ دشمن عناصر پاکستان کے امن، ترقی اور معاشی استحکام کو نقصان پہنچانے کی کوشش کر رہے ہیں، تاہم ان کے مذموم عزائم کبھی کامیاب نہیں ہوں گے۔ انہوں نے شہداء کے درجات کی بلندی اور لواحقین کے لیے صبر جمیل کی دعا بھی کی۔

 

 

Keywords : National Action Plan, Balochistan Apex Committee, Shehbaz Sharif, Counter terrorism 

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands