وزیر اعظم شہباز شریف نے بلوچستان حکومت کی ترقیاتی کوششوں کی تعریف کی اور مکمل وفاقی تعاون کی یقین دہانی کرائی

رپورٹ: سیدہ نتاشا

 وزیر اعلیٰ بلوچستان میر سرفراز بگٹی نے کہا ہے کہ صوبے کی تاریخ میں پہلی بار ترقیاتی بجٹ کے لیے مختص وسائل کا سو فیصد شفاف اور مؤثر استعمال یقینی بنایا گیا ہے، جو حکومت کی بہتر منصوبہ بندی اور مؤثر گورننس کا ثبوت ہے۔ انہوں نے کہا کہ وزیر اعظم پاکستان محمد شہباز شریف کے بلوچستان سے خصوصی تعاون پر شکر گزار ہیں، جس کے تحت کوئٹہ-کراچی قومی شاہراہ، دانش اسکولز کے قیام اور دیگر اہم ترقیاتی منصوبے منظور کیے گئے ہیں۔

وزیر اعلیٰ نے اجلاس میں کہا کہ بلوچستان اپنی جغرافیائی وسعت، منتشر آبادی اور سیکیورٹی چیلنجز کے باعث دیگر صوبوں سے مختلف ہے، مگر صوبائی حکومت نے بحالیِ امن اور ترقیاتی منصوبوں کے تسلسل کو یقینی بنا کر نمایاں کامیابیاں حاصل کی ہیں۔
اسی اجلاس میں وزیر اعظم پاکستان محمد شہباز شریف نے میر سرفراز بگٹی کی قیادت میں صوبائی حکومت کے اقدامات کو سراہا اور امن و امان کی بحالی، سیاسی ہم آہنگی اور عوامی شکایات کے مؤثر ازالے پر اطمینان کا اظہار کیا۔ وزیر اعظم نے کہا کہ وفاقی حکومت بلوچستان کی ترقی اور استحکام کے لیے صوبائی حکومت کے ساتھ مکمل تعاون جاری رکھے گی اور صوبے کے مسائل کے حل اور عوامی فلاح کے لیے تمام وسائل بروئے کار لائے جائیں گے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands