کوئٹہ میں وزیراعظم شہباز شریف کی زیر صدارت امن و امان سے متعلق اعلیٰ سطحی اجلاس

کوئٹہ: وزیراعظم محمد شہباز شریف ایک روزہ دورے پر کوئٹہ پہنچے، جہاں گورنر بلوچستان جعفر خان مندوخیل، وزیراعلیٰ بلوچستان میر سرفراز بگٹی اور اعلیٰ سول و عسکری حکام نے ان کا استقبال کیا۔

وزیراعظم کے ہمراہ وفاقی وزیر اقتصادی امور احد خان چیمہ، وفاقی وزیر اطلاعات و نشریات عطا اللہ تارڑ اور وزیراعظم کے مشیر برائے سیاسی امور رانا ثناء اللہ بھی موجود تھے۔

دورے کے دوران وزیراعظم محمد شہباز شریف نے امن و امان کی مجموعی صورتحال سے متعلق اعلیٰ سطحی اجلاس کی صدارت کی، جس میں بلوچستان کی سیکیورٹی، دہشت گردی کے خلاف جاری اقدامات اور امن و استحکام سے متعلق امور کا جائزہ لیا گیا۔

اجلاس سے خطاب کرتے ہوئے وزیراعظم نے وطن کے دفاع اور امن کے قیام کے لیے جانوں کا نذرانہ پیش کرنے والے شہداء کو خراجِ عقیدت پیش کیا اور ان کے اہلِ خانہ سے مکمل یکجہتی کا اظہار کیا۔ انہوں نے کہا کہ دہشت گردی کے خلاف جنگ میں پوری قوم اپنی مسلح افواج، قانون نافذ کرنے والے اداروں اور بلوچستان کے عوام کے ساتھ کھڑی رہی۔

وزیراعظم نے حالیہ دہشت گردی کے واقعات پر تشویش کا اظہار کیا اور بھارتی سرپرستی میں ہونے والی دہشت گردی کے خلاف برسرپیکار قانون نافذ کرنے والے اداروں کی انتھک کاوشوں، پیشہ ورانہ صلاحیت اور عزم کو سراہا۔

 

Keywords : Shehbaz Sharif, Quetta Visit, Security Meeting, Balochistan Security

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands