وزیراعظمِ پاکستان شہباز شریف کا ایک روزہ سرکاری دورۂ کوئٹہ
وزیراعظمِ پاکستان میاں محمد شہباز شریف ایک روزہ سرکاری دورے پر کوئٹہ پہنچ چکے ہیں، جہاں وہ گورنر اور وزیراعلیٰ بلوچستان سے ملاقاتیں کریں گے۔ دورے کے دوران وزیراعظم کو صوبے میں جاری ترقیاتی منصوبوں، امن و امان کی صورتحال پر بریفنگ دی جائے گی جبکہ این-25 کراچی تا چمن شاہراہ اور دانش اسکولوں کا افتتاح بھی متوقع ہے۔ وزیراعظم ڈی ایچ اے کوئٹہ میں منعقدہ ایک تقریب میں بھی شرکت کریں گے۔
رپورٹ: سیدہ نتاشا
وزیراعظمِ پاکستان میاں محمد شہباز شریف آج ایک روزہ سرکاری دورے پر کوئٹہ پہنچ گئے ہیں۔ کوئٹہ آمد پر وزیراعلیٰ بلوچستان میر سرفراز بگٹی، اراکینِ پارلیمنٹ اور اعلیٰ حکام نے وزیراعظم کا استقبال کیا۔
دورے کے آغاز پر وزیراعظمِ پاکستان کی گورنر بلوچستان جعفر خان مندوخیل کے ساتھ گورنر ہاؤس کوئٹہ میں ون آن ون ملاقات ہوگی، جس میں گورنر بلوچستان وزیراعظم کو صوبے میں جاری ترقیاتی منصوبوں، امن و امان کی مجموعی صورتحال اور دیگر اہم امور پر بریفنگ دیں گے۔
بعد ازاں وزیراعظم پاکستان وزیراعلیٰ ہاؤس جائیں گے، جہاں وزیراعلیٰ بلوچستان میر سرفراز بگٹی اور صوبائی کابینہ کے اراکین سے علیحدہ ملاقات کریں گے۔ ملاقات میں صوبے کی مجموعی صورتحال، ترقیاتی پیش رفت اور عوامی فلاح کے منصوبوں پر تبادلۂ خیال کیا جائے گا۔
وزیراعظمِ پاکستان اپنے دورۂ کوئٹہ کے دوران ڈی ایچ اے کوئٹہ میں منعقدہ ایک تقریب میں شرکت کریں گے، جہاں وہ این-25 کراچی تا چمن قومی شاہراہ اور دانش اسکولوں کا افتتاح کریں گے۔
وزیراعظم کے دورۂ کوئٹہ کے پیش نظر شہر بھر میں سیکیورٹی کے سخت انتظامات کیے گئے ہیں۔ کوئٹہ کی اہم شاہراہوں اور حساس مقامات پر پولیس اور ایف سی کے اضافی اہلکار تعینات کر دیے گئے ہیں، جبکہ سیکیورٹی ادارے مکمل طور پر الرٹ ہیں۔
Related News
.jpeg)
