ڈاکٹر ماہ نور ناصر پر حملے کے خلاف احتجاج جاری، کوئٹہ کے سرکاری ہسپتالوں میں خدمات متاثر
ڈاکٹر ماہ نور ناصر پر تیزاب حملے کے خلاف ینگ ڈاکٹرز ایسوسی ایشن کا احتجاج جاری ہے، جس کے باعث سرکاری ہسپتالوں میں او پی ڈیز اور دیگر غیر ہنگامی خدمات متاثر ہو رہی ہیں۔ مظاہرین نے واقعے کی مکمل تحقیقات، ذمہ داروں کے خلاف کارروائی اور طبی عملے کے لیے مؤثر سکیورٹی اقدامات کا مطالبہ کیا ہے۔
کوئٹہ: ڈاکٹر ماہ نور ناصر پر تیزاب حملے کے خلاف ینگ ڈاکٹرز ایسوسی ایشن (وائی ڈی اے) کا احتجاج جاری ہے، جس کے باعث کوئٹہ کے سرکاری ہسپتالوں میں او پی ڈیز اور دیگر غیر ہنگامی طبی خدمات متاثر ہو رہی ہیں۔ احتجاج کے باعث متعدد مریضوں کو مشکلات کا سامنا کرنا پڑا۔
سول سینڈمین ہسپتال میں قائم احتجاجی کیمپ میں شریک ڈاکٹروں نے ڈاکٹر ماہ نور ناصر پر حملے کی مکمل تحقیقات اور طبی عملے کے لیے مؤثر سکیورٹی اقدامات کا مطالبہ کیا۔ وائی ڈی اے رہنماؤں نے خبردار کیا ہے کہ مطالبات تسلیم نہ کیے گئے تو احتجاج کا دائرہ مزید بڑھایا جا سکتا ہے۔
دوسری جانب ذرائع کے مطابق محکمہ صحت اور ضلعی انتظامیہ ہڑتال میں شریک ڈاکٹروں کی فہرست مرتب کر رہی ہے اور ان کے خلاف ممکنہ کارروائی پر غور کیا جا رہا ہے۔
ڈاکٹر ماہ نور ناصر پر حملے کے بعد بلوچستان بھر میں شدید ردعمل دیکھنے میں آیا ہے، جبکہ طبی برادری نے واقعے میں ملوث عناصر کے خلاف سخت کارروائی اور ڈاکٹروں کے تحفظ کو یقینی بنانے کا مطالبہ کیا ہے۔
Keywords : Dr. Mah Noor Nasar, Young Doctors Association, Acid attack, Healthcare Security
Related News
.jpeg)
