پی ٹی اے کی نئی ہدایات: سم کی ملکیت اور قانونی ذمہ داری لازم.

رپورٹ: ماہ رنگ بلوچ

پاکستان ٹیلی کمیونیکیشن اتھارٹی (پی ٹی اے) نے ملک بھر میں موبائل سمز کے استعمال سے متعلق نئی اور سخت ہدایات جاری کر دی ہیں۔ پی ٹی اے کے مطابق اب ہر موبائل صارف کے لیے لازم ہوگا کہ وہ صرف اپنے نام پر رجسٹرڈ سم کارڈ ہی استعمال کرے، جبکہ کسی دوسرے شخص کے نام پر جاری کردہ سم کا استعمال قانوناً ممنوع قرار دیا گیا ہے۔
اتھارٹی نے واضح کیا ہے کہ سم کے ذریعے ہونے والی ہر قسم کی سرگرمی، چاہے وہ کالز ہوں، پیغامات ہوں یا انٹرنیٹ کا استعمال، اس کی مکمل قانونی ذمہ داری اسی فرد پر عائد ہوگی جس کے شناختی کارڈ پر وہ سم رجسٹرڈ ہے۔ اگر سم کا غلط یا غیر قانونی استعمال سامنے آتا ہے تو متعلقہ سم مالک کو قانون کے مطابق جوابدہ ہونا پڑے گا۔

پی ٹی اے نے عوام کو ہدایت کی ہے کہ وہ اپنے موبائل کنکشنز پر کڑی نظر رکھیں اور کسی بھی غیر مجاز شخص کو اپنی سم استعمال کرنے کی اجازت نہ دیں۔ اتھارٹی کے مطابق یہ اقدام قومی سلامتی کو یقینی بنانے اور موبائل فون کے ذریعے ہونے والی غیر قانونی سرگرمیوں کی روک تھام کے لیے اٹھایا گیا ہے۔
آخر میں پی ٹی اے نے خبردار کیا ہے کہ قوانین کی خلاف ورزی کرنے والوں کے خلاف سخت قانونی کارروائی عمل میں لائی جائے گی، جبکہ صارفین سے اپیل کی گئی ہے کہ وہ ذمہ دارانہ رویہ اختیار کرتے ہوئے ٹیلی کمیونیکیشن نظام کے استحکام میں اپنا کردار ادا کریں۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands