کوئٹہ میں لیگیسی کچرے کے خاتمے کی مہم تیز

رپورٹ: سیدہ نتاشا

کوئٹہ میں لیگیسی کچرے کے خاتمے کے لیے جاری خصوصی مہم میں تیزی لائی جا رہی ہے۔ ایڈمنسٹریٹر میٹروپولیٹن کارپوریشن کوئٹہ مجیب الرحمن قمبرانی نے وزیرِ اعلیٰ بلوچستان میر سرفراز بگٹی کی ہدایات پر شہر کے مختلف علاقوں کا دورہ کیا اور جاری صفائی آپریشن کی پیش رفت کا تفصیلی جائزہ لیا۔
دورے کے دوران انہوں نے بروری روڈ، لنک بادینی روڈ اور لینڈ فل سائٹ کا معائنہ کیا، جہاں کئی سالوں سے جمع شدہ لیگیسی کچرے کو مرحلہ وار منتقل کیا جا رہا ہے۔ انہوں نے متعلقہ افسران اور فیلڈ عملے کو ہدایت کی کہ آپریشن کی رفتار مزید تیز کی جائے اور کام کے معیار پر کسی قسم کا سمجھوتہ نہ کیا جائے۔

ایڈمنسٹریٹر نے لینڈ فل سائٹ پر جدید اور محفوظ طریقے سے کچرے کی ڈمپنگ کے عمل کا بھی جائزہ لیا اور کچرے کے وزن کے باقاعدہ اندراج اور ویٹ مشین کے ذریعے درست پیمائش کے نظام پر اطمینان کا اظہار کیا۔ ان کا کہنا تھا کہ شفافیت، درست ریکارڈنگ اور مؤثر نگرانی اس مہم کی کامیابی کے لیے ناگزیر ہیں، تاکہ دو لاکھ ٹن لیگیسی کچرے کے خاتمے کا ہدف مقررہ مدت میں حاصل کیا جا سکے۔
انہوں نے کہا کہ اس مہم کا مقصد کوئٹہ کو صاف، سرسبز اور ماحول دوست شہر بنانا ہے، جبکہ شہریوں سے بھی صفائی کے عمل میں تعاون کی اپیل کی گئی۔ یہ اقدام نہ صرف شہر کی خوبصورتی کی بحالی بلکہ عوامی صحت کے تحفظ اور پائیدار شہری ترقی کی جانب ایک اہم پیش رفت قرار دیا جا رہا ہے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands