کوئٹہ: یومِ عاشورہ کا مرکزی جلوس سخت سکیورٹی میں برآمد، فضائی و روبوٹک نگرانی

کوئٹہ: یومِ عاشورہ کا مرکزی جلوس سخت سکیورٹی میں برآمد، فضائی و روبوٹک نگرانی

کوئٹہ میں یومِ عاشورہ کے مرکزی جلوس کی سیکیورٹی کے لیے 3 ہزار اہلکار، 30 خصوصی دستے، فضائی نگرانی اور روبوٹک مانیٹرنگ کا انتظام کیا گیا۔ جلوس نمازِ جمعہ کے بعد امام بارگاہ ناصر العزا سے اپنے روایتی راستوں پر روانہ ہوا جبکہ ضلعی انتظامیہ، سیکیورٹی اداروں اور انجمن تاجران نے مکمل تعاون فراہم کیا۔

 

کوئٹہ: یومِ عاشورہ کے موقع پر کوئٹہ میں مرکزی جلوس اور عزاداری کے اجتماعات کے پرامن انعقاد کو یقینی بنانے کے لیے سیکیورٹی کے غیر معمولی انتظامات کیے گئے ہیں۔ شہر بھر میں تین ہزار سے زائد پولیس اہلکار اور دیگر قانون نافذ کرنے والے اداروں کے اہلکار تعینات کیے گئے ہیں جبکہ 30 خصوصی دستے بھی مختلف مقامات پر گشت اور نگرانی کے فرائض انجام دے رہے ہیں۔

سیکیورٹی حکام کے مطابق جلوس کی نگرانی فضائی سرویلنس کے ذریعے کی جا رہی ہے اور جدید ٹیکنالوجی سے لیس روبوٹ کو بھی سیکیورٹی پلان کا حصہ بنایا گیا ہے تاکہ کسی بھی مشتبہ شے یا صورتحال کا بروقت جائزہ لیا جا سکے۔ سیکیورٹی بیورو اور بم ڈسپوزل عملہ جلوس کے راستوں اور اطراف کے علاقوں کی مسلسل تلاشی اور سوئپنگ کر رہا ہے۔

انسپکٹر جنرل پولیس بلوچستان کی ہدایات پر ضلعی انتظامیہ، پولیس اور دیگر متعلقہ اداروں نے مشترکہ حکمت عملی کے تحت جامع انتظامات کیے ہیں۔ جلوس کے راستوں پر عزاداروں کی سہولت کے لیے سبیلیں قائم کی گئی ہیں جبکہ امن و امان کے قیام اور انتظامات کو مؤثر بنانے کے لیے انجمن تاجران نے بھی بھرپور تعاون فراہم کیا ہے۔

مرکزی جلوس نمازِ جمعہ کے بعد امام بارگاہ ناصر العزا سے برآمد ہوا اور اپنے روایتی راستوں سے ہوتا ہوا مختلف مقامات سے گزرا۔ جلوس کے تمام راستوں پر سخت حفاظتی حصار قائم کیا گیا تھا اور داخلی و خارجی راستوں پر چیکنگ کے خصوصی انتظامات کیے گئے تھے۔ حکام کے مطابق سیکیورٹی پلان پر مؤثر انداز میں عملدرآمد جاری ہے تاکہ عزادارانِ امام حسینؓ اپنے مذہبی فرائض پرسکون اور محفوظ ماحول میں ادا کر سکیں۔

Keywords : Ashura Procession, Quetta Security, Aerial Surveillance, Robotic Monitoring

 

 

Related News

Twin Earthquakes Hit Barkhan and Nearby Areas, Three Injured
Twin Earthquakes Hit Barkhan and Nearby Areas, Three Injured
International Camel Conference Concludes at LUAWMS, Experts Stress Research for Climate Resilience
International Camel Conference Concludes at LUAWMS, Experts Stress Research for Climate Resilience
CM Balochistan, Corps Commander Review Ashura Security Arrangements at CPO Quetta
CM Balochistan, Corps Commander Review Ashura Security Arrangements at CPO Quetta
Balochistan CM Reviews Muharram Security Arrangements, Orders Strict Implementation of Safety Plan
Balochistan CM Reviews Muharram Security Arrangements, Orders Strict Implementation of Safety Plan
Over 32,000 Security Personnel Deployed Across Balochistan for Ashura Processions
Over 32,000 Security Personnel Deployed Across Balochistan for Ashura Processions
Bugti: Shabbir Baloch Verdict Validates Government Stance
Bugti: Shabbir Baloch Verdict Validates Government Stance