کوئٹہ میں ماحول دوست ٹرانسپورٹ کے فروغ کیلئے الیکٹرک بسوں کی منظوری

رپورٹ:  سیدہ نتاشا
کوئٹہ میں پائیدار ترقی اور ماحول دوست ٹرانسپورٹ کے فروغ کے لیے اہم پیش رفت سامنے آئی ہے۔وزیراعلیٰ بلوچستان میر سرفراز بگٹی کی زیر صدارت پبلک پرائیویٹ پارٹنرشپ بورڈ کا آٹھواں اجلاس منعقد ہوا، جس میں عوامی مفاد اور ادارہ جاتی کارکردگی کے فروغ کے لیے متعدد اہم فیصلوں کی منظوری دی گئی۔اجلاس میں صوبائی دارالحکومت کوئٹہ میں چلنے والی گرین اور پنک بسوں کو مرحلہ وار الیکٹرک بسوں میں تبدیل کرنے کا  فیصلہ کیا گیا، تاکہ شہریوں کو جدید سفری سہولیات فراہم کرنے کے  ساتھ ماحولیاتی آلودگی میں بھی کمی لائی جا سکے

۔توانائی کے مؤثر استعمال کے لیے چیف منسٹر سیکرٹریٹ کو سولر انرجی پر منتقل کرنے کی منظوری بھی دی گئی، جو متبادل توانائی کے فروغ کی جانب ایک اہم قدم قرار دیا جا رہا ہے۔اجلاس کے دوران بلوچستان میں نجی شراکت داری کے تحت انشورنس کمپنی لمیٹڈ کے قیام پر اتفاقِ رائے کیا گیا، جبکہ نجی شعبے سے سرمایہ کاری اور شراکت داری کے لیے باضابطہ پیشکش طلب کرنے کا فیصلہ بھی کیا گیا۔وزیراعلیٰ بلوچستان میر سرفراز بگٹی کا کہنا تھا کہ پبلک پرائیویٹ پارٹنرشپ کے ذریعے ترقیاتی منصوبوں کو تیز اور پائیدار بنایا جا رہا ہے۔ ان کا کہنا تھا کہ ماحول دوست ٹرانسپورٹ کے فروغ سے شہری آلودگی میں کمی اور عوام کو بہتر سفری سہولیات میسر آئیں گی۔ توانائی کے متبادل ذرائع کو فروغ دینا حکومت کی ترجیحات میں شامل ہے، جبکہ نجی شعبے کی شمولیت سے معیشت  استحکام ہوگی اور روزگار کے نئے مواقع فراہم ہوں گے۔

#Quetta #ElectricBuses #GreenTransport #Balochistan #SarfrazBugti #EcoFriendly #SustainableDevelopment #PublicPrivatePartnership #CleanEnergy #SolarEnergy #PakistanDevelopment #EnvironmentFriendly #QuettaNews

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands