وزیر اعلیٰ بلوچستان کے اعلان پر عملدرآمد: خروٹ آباد تھانہ اور سرکاری اسکول شہید میجر انور کاکڑ کے نام سے منسوب

رپورٹ: سیدہ نتاشا

وزیر اعلیٰ بلوچستان میر سرفراز بگٹی کے اعلان پر فوری عملدرآمد کرتے ہوئے خروٹ آباد پولیس اسٹیشن کا نام تبدیل کرکے شہید میجر انور کاکڑ پولیس اسٹیشن رکھ دیا گیا ہے۔ اسی طرح کوئٹہ میں قائم سرکاری ٹی بی سینٹوریم اسکول کو بھی شہید میجر انور کاکڑ کے نام سے منسوب کر دیا گیا، جس کا باضابطہ نوٹیفکیشن جاری کر دیا گیا ہے۔

اس موقع پر وزیر اعلیٰ بلوچستان میر سرفراز بگٹی نے کہا کہ شہداء ہمارے قومی ہیرو ہیں، ان کا نام، کردار اور قربانیاں ہمیشہ زندہ رہنی چاہئیں۔ انہوں نے کہا کہ قوم کی سلامتی کے لیے جان قربان کرنے والے شہداء کو خراجِ عقیدت پیش کرنا ریاست اور حکومت کا اولین فرض ہے۔
وزیر اعلیٰ نے مزید کہا کہ شہداء کے اہل خانہ کو تنہا نہیں چھوڑا جائے گا اور شہداء کے بچوں کی اعلیٰ تعلیم کی ذمہ داری حکومت پہلے ہی اپنے ذمے لے چکی ہے۔ ان کا کہنا تھا کہ شہداء کی قربانیاں ہماری تاریخ کا روشن باب ہیں اور نئی نسل کو ان قومی ہیروز کی جدوجہد اور قربانیوں سے آگاہ کرنا ناگزیر ہے۔
میر سرفراز بگٹی نے کہا کہ شہید میجر انور کاکڑ جیسے بہادر سپوتوں کی عظیم قربانیوں کے باعث آج ملک امن اور استحکام کی جانب گامزن ہے، اور قوم ان قربانیوں کو ہمیشہ یاد رکھے گی۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands