بلوچستان کی شاہراہوں پر ٹریفک حادثات: ایک دن میں 54 واقعات رپورٹ

رپورٹ: سیدہ نتاشا

میڈیکل ایمرجنسی ریسپانس سینٹرز (MERC) 1122 بلوچستان کی جانب سے 12 دسمبر 2025 کو صوبے کی مختلف قومی و صوبائی شاہراہوں پر پیش آنے والے ٹریفک حادثات کی روزانہ رپورٹ جاری کر دی گئی ہے۔

رپورٹ کے مطابق صوبے بھر کی شاہراہوں پر مجموعی طور پر 54 ٹریفک حادثات میں ایمرجنسی رسپانس فراہم کیا گیا، جن میں 77 افراد زخمی ہوئے جبکہ ایک شخص جان کی بازی ہار گیا۔
اعداد و شمار کے مطابق قومی شاہراہ N-25 پر مختلف مقامات پر متعدد حادثات پیش آئے، جہاں لاک پاس مستونگ، باغبانہ اور تیارو سمیت دیگر علاقوں میں زخمیوں کو طبی امداد فراہم کی گئی۔
اسی طرح N-50 پر مانیکاو، شیرانی اور خصوصاً ٹراما سینٹر ژوب میں سب سے زیادہ 19 حادثات رپورٹ ہوئے، جہاں 21 زخمی اور ایک ہلاکت ریکارڈ کی گئی۔
رپورٹ کے مطابق ٹراما سینٹر خضدار میں بھی نمایاں طور پر 16 حادثات رپورٹ ہوئے، جن میں 22 افراد زخمی ہوئے، تاہم خوش قسمتی سے یہاں کوئی جانی نقصان نہیں ہوا۔
دیگر شاہراہوں بشمول N-65، N-70، N-85، N-10 اور M-8 پر بھی محدود نوعیت کے حادثات پیش آئے، جہاں زخمیوں کو بروقت طبی امداد فراہم کی گئی۔
ایم ای آر سی 1122 کے مطابق بیشتر حادثات میں بروقت رسپانس کے باعث قیمتی جانوں کو بچایا گیا، جبکہ عوام سے اپیل کی گئی ہے کہ وہ دورانِ سفر ٹریفک قوانین کی پابندی کریں تاکہ قیمتی جانوں کے ضیاع سے بچا جا سکے۔

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands