نوکنڈی میں غیر قانونی دراندازی کی کوشش ناکام، 179 افغان باشندے گرفتار

رپورٹ: نعمت اللہ بلوچ، چاغی

پاکستانی سکیورٹی فورسز نے نوکنڈی میں بڑی اور کامیاب کارروائی کرتے ہوئے غیر قانونی دراندازی کی کوشش ناکام بنا دی۔ خفیہ اطلاع پر کی گئی بروقت کارروائی کے دوران سکیورٹی فورسز نے 179 افغان باشندوں کو گرفتار کر لیا، جو بغیر کسی قانونی سفری یا شناختی دستاویزات کے پاکستان میں داخل ہونے کی کوشش کر رہے تھے۔

 
گرفتار افراد کے پاس پاسپورٹ، ویزا یا کسی بھی قسم کی قانونی دستاویزات موجود نہیں تھیں، جو پاکستانی قوانین کی صریح خلاف ورزی ہے۔ گرفتار افغان باشندوں نے بتایا کہ افغانستان میں روزگار کے مواقع کی شدید کمی اور تعلیمی سہولیات کے فقدان کے باعث وہ بہتر مستقبل کی تلاش میں دیگر ممالک کا رخ کرنا چاہتے تھے۔
سکیورٹی فورسز نے تمام گرفتار افراد کو حراست میں لے کر متعلقہ اداروں کے حوالے کر دیا ہے، جہاں ان سے مزید تفتیش کا عمل جاری ہے۔ حکام کا کہنا ہے کہ غیر قانونی آمد و رفت کے خلاف کارروائیاں بلا تعطل جاری رہیں گی جبکہ سرحدی نگرانی کو مزید سخت کر دیا گیا ہے تاکہ کسی بھی غیر قانونی سرگرمی کو بروقت روکا جا سکے۔

Twin Earthquakes Hit Barkhan and Nearby Areas, Three Injured

International Camel Conference Concludes at LUAWMS, Experts Stress Research for Climate Resilience

CM Balochistan, Corps Commander Review Ashura Security Arrangements at CPO Quetta

Balochistan CM Reviews Muharram Security Arrangements, Orders Strict Implementation of Safety Plan

Over 32,000 Security Personnel Deployed Across Balochistan for Ashura Processions

Quetta Ashura Procession Held Under Tight Security with Aerial Surveillance and Robotic Monitoring