ژوب میں قومی شاہراہ N-50 پر برف باری، برف ہٹانے اور نمک چھڑکاؤ کا عمل جاری
ژوب ریجن میں قومی شاہراہ N-50 پر درمیانی سے شدید برف باری کے بعد سڑک کو محفوظ رکھنے کے لیے برف ہٹانے اور آئسنگ سے بچاؤ کے اقدامات کیے جا رہے ہیں، جبکہ تمام مشینری اور عملہ موقع پر موجود ہے۔
رپورٹ: سیدہ نتاشا
بلوچستان نارتھ ریجن کے مطابق ژوب میں قومی شاہراہ N-50 پر درمیانی سے شدید برف باری ریکارڈ کی گئی ہے جو کلومیٹر 40 سے 120 تک، گوال سے مسلم باغ کے علاقوں پر محیط ہے۔ صورتحال کے پیش نظر مینٹیننس یونٹ ژوب نے فوری طور پر برف ہٹانے کا آپریشن شروع کر دیا ہے تاکہ ٹریفک کی روانی برقرار رکھی جا سکے۔
حکام کے مطابق سڑک پر برف جمنے (آئسنگ) سے بچاؤ کے لیے سیکشن 03، 04 اور 05 میں نمک چھڑکاؤ کا عمل بھی جاری ہے۔ انتظامیہ کا کہنا ہے کہ تمام ضروری مشینری اور افرادی قوت موقع پر دستیاب ہے اور صورتحال پر مسلسل نظر رکھی جا رہی ہے۔
انتظامیہ نے مسافروں کو ہدایت کی ہے کہ وہ موسم کی شدت کے باعث غیر ضروری سفر سے اجتناب کریں، احتیاطی تدابیر اختیار کریں اور سرکاری ہدایات پر عمل کریں۔ مزید معلومات کے لیے متعلقہ اداروں سے رابطے میں رہنے کی اپیل کی گئی ہے۔
Related News
.jpeg)
