ساؤتھ ایئر کی کراچی سے کوئٹہ اور اسلام آباد کے لیے نئی اندرونِ ملک پروازوں کا آغاز

کوئٹہ: نجی فضائی کمپنی ساؤتھ ایئر نے پاکستان میں اپنی باقاعدہ اندرونِ ملک پروازوں کا آغاز کر دیا ہے۔ پاکستان ایئرپورٹس اتھارٹی (پی اے اے) کے مطابق کراچی کے جناح انٹرنیشنل ایئرپورٹ سے ساؤتھ ایئر کی افتتاحی پروازیں کراچی سے تربت کے راستے کوئٹہ اور کراچی سے بہاولپور کے راستے اسلام آباد کے لیے روانہ ہوئیں۔

پی اے اے کے مطابق نئی فضائی سروسز سے ملک کے اندر فضائی رابطوں کو مزید مضبوطی ملے گی، جبکہ مسافروں کو سفر کے مزید بہتر اور آسان مواقع میسر آئیں گے۔ ابتدائی مرحلے میں کراچی، تربت، کوئٹہ روٹ پر ہفتے میں ایک پرواز جبکہ کراچی، بہاولپور، اسلام آباد روٹ پر ہفتے میں تین پروازیں چلائی جائیں گی۔

پاکستان ایئرپورٹس اتھارٹی نے بتایا کہ ساؤتھ ایئر مستقبل میں کراچی سے پشاور، رحیم یار خان، سکھر اور گوادر کے لیے بھی پروازیں شروع کرنے کا ارادہ رکھتی ہے۔ اس کے علاوہ خیبر پختونخوا کے شہروں ڈیرہ اسماعیل خان اور چترال کو بھی ملک کے دیگر حصوں سے فضائی رابطوں کے ذریعے منسلک کرنے کی منصوبہ بندی کی جا رہی ہے۔

پی اے اے کے مطابق نئی فضائی سروسز سے سیاحت کے فروغ، تجارت میں آسانی اور ملک کے مختلف علاقوں کے درمیان رابطوں کو مزید بہتر بنانے میں مدد ملے گی۔ گزشتہ ماہ ساؤتھ ایئر نے کراچی سے گوادر کے لیے اپنی پہلی آزمائشی پرواز بھی کامیابی سے مکمل کی تھی۔

 

Keywords : South Air, Domestic Flights, Quetta, Pakistan Airport Authority

Funeral Prayers Offered for Ziarat Attack Martyrs, Policemen Laid to Rest with State Honours

Balochistan Delegation Visits Sukkur Barrage to Secure Province's Water Share

Two Health Facilities in Ziarat to Be Renamed After Martyred Police Personnel

Koila Phatak Chowk Renamed as Shuhada-e-Ziarat Chowk in Tribute to Ziarat Police Martyrs

PDMA Issues Flash Flood Alert for Balochistan Until July 23

Balochistan Government, Dharna Committee Reach Agreement on Ziarat Martyrs' Demands