اسپیکر بلوچستان اسمبلی کا دہشت گردی ناکام بنانے پر پولیس اور سکیورٹی فورسز کو خراجِ تحسین

رپورٹ: سیدہ نتاشا

 اسپیکر بلوچستان اسمبلی کیپٹن (ر) عبدالخالق اچکزئی نے پولیس اور سکیورٹی فورسز کی بروقت اور مؤثر کارروائی کو سراہتے ہوئے کہا ہے کہ دہشت گردوں کا بیک وقت مختلف علاقوں کو نشانہ بنانے کا مقصد صوبے میں خوف و ہراس پھیلانا تھا، تاہم قانون نافذ کرنے والے اداروں نے دشمن کے ناپاک عزائم کو ناکام بنا دیا۔
اسپیکر نے کہا کہ پولیس اور سکیورٹی فورسز نے غیر معمولی جرات، اعلیٰ پیشہ ورانہ مہارت اور قربانی کی مثال قائم کی ہے، جو قابلِ تحسین ہے۔ انہوں نے واضح کیا کہ بلوچستان کے امن سے کھیلنے والوں کے لیے یہاں کوئی گنجائش نہیں اور دشمن عناصر اس وقت بوکھلاہٹ کا شکار ہیں۔کیپٹن (ر) عبدالخالق اچکزئی نے دہشت گردی کے واقعات میں سکیورٹی اہلکاروں کی شہادت پر گہرے رنج و غم کا اظہار کرتے ہوئے شہداء کے لواحقین سے دلی تعزیت اور مکمل یکجہتی کا اعلان کیا۔ ان کا کہنا تھا کہ شہداء کی قربانیاں کبھی رائیگاں نہیں جائیں گی۔
اسپیکر بلوچستان اسمبلی نے سرکاری املاک کو نقصان پہنچانے اور امن و امان خراب کرنے کی ہر کوشش کی شدید مذمت کرتے ہوئے کہا کہ بلوچستان میں پائیدار امن کے قیام کے لیے حکومت اور سکیورٹی ادارے مکمل ہم آہنگی کے ساتھ اپنی ذمہ داریاں نبھاتے رہیں گے۔

Twin Earthquakes Hit Barkhan and Nearby Areas, Three Injured

International Camel Conference Concludes at LUAWMS, Experts Stress Research for Climate Resilience

CM Balochistan, Corps Commander Review Ashura Security Arrangements at CPO Quetta

Balochistan CM Reviews Muharram Security Arrangements, Orders Strict Implementation of Safety Plan

Over 32,000 Security Personnel Deployed Across Balochistan for Ashura Processions

Quetta Ashura Procession Held Under Tight Security with Aerial Surveillance and Robotic Monitoring