جامعہ بلوچستان میں ایڈوانسڈ اسٹڈیز اینڈ ریسرچ بورڈ کا 192 واں اجلاس منعقد۔
جامعہ بلوچستان میں ایڈوانسڈ اسٹڈیز اینڈ ریسرچ بورڈ (AS&RB) کا 192 واں اجلاس وائس چانسلر پروفیسر ڈاکٹر ظہور احمد بازئی کی صدارت میں منعقد ہوا، جس میں ایم فل، پی ایچ ڈی اور ایم ایس ریسرچ سے متعلق درجنوں کیسز کی منظوری دی گئی اور تحقیق کے معیار و عملی افادیت پر زور دیا۔
رپورٹ: سیدہ نتاشا
جامعہ بلوچستان میں ایڈوانسڈ اسٹڈیز اینڈ ریسرچ بورڈ (AS&RB) کا 192 واں اہم اجلاس وائس چانسلر جامعہ بلوچستان پروفیسر ڈاکٹر ظہور احمد بازئی کی زیرِ صدارت منعقد ہوا۔ اجلاس میں اعلیٰ تعلیم اور تحقیق سے متعلق اہم امور پر تفصیلی غور و خوض کیا گیا۔
اجلاس میں پرو وائس چانسلر ڈاکٹر غلام رزاق شاہوانی، رجسٹرار محمد طارق جوگیزئی، چیئرمین گریجویٹ اسٹڈیز آفس ڈاکٹر محمد قیصر اقبال، کنٹرولر امتحانات ڈاکٹر محمد شریف حسنی، مختلف فیکلٹیز کے ڈینز، ڈائریکٹرز، شعبہ جات کے سربراہان اور بورڈ کے دیگر اراکین نے شرکت کی۔
اجلاس کے دوران 35 ایم فل، 21 پی ایچ ڈی اور متعدد ایم ایس ریسرچ و ڈگری کیسز سمیت دیگر تحقیقی دستاویزات کی منظوری دی گئی۔ اس موقع پر جاری اور نئے ایم ایس، ایم فل اور پی ایچ ڈی ڈگری پروگرامز، تحقیقی خلاصوں اور تھیسس رپورٹس کا بھی جائزہ لیا گیا اور انہیں منظوری دی گئی۔
وائس چانسلر پروفیسر ڈاکٹر ظہور احمد بازئی نے اجلاس سے خطاب کرتے ہوئے تحقیق کے معیار، جدت اور علاقائی و قومی ضروریات سے ہم آہنگی کی اہمیت پر زور دیا۔ انہوں نے اس بات پر بھی تاکید کی کہ پی ایچ ڈی تحقیقی نتائج اور رپورٹس کو متعلقہ محکموں اور فیلڈز کے ساتھ شیئر کیا جائے تاکہ تحقیق کے ثمرات کو عملی سطح پر مؤثر انداز میں بروئے کار لایا جا سکے۔
اجلاس میں تحقیقی پیداوار میں بہتری، معیاری تحقیقی جرائد میں اشاعت کے فروغ اور پوسٹ گریجویٹ ریسرچ کی نگرانی کے نظام کو مزید مؤثر بنانے سے متعلق اقدامات کا بھی جائزہ لیا گیا۔ بورڈ کے اراکین نے جامعہ میں تحقیق اور اعلیٰ تعلیم کے معیار کو مزید بہتر بنانے کے عزم کا اظہار کیا۔
Related News
.jpeg)
.jpeg)
.jpeg)
