جامعہ بلوچستان اور این ڈی ایم اے کے درمیان ڈیزاسٹر مینجمنٹ کے فروغ کے لیے مفاہمتی یادداشت پر دستخط

رپورٹ: سیدہ نتاشا

جامعہ بلوچستان اور نیشنل ڈیزاسٹر مینجمنٹ اتھارٹی (NDMA) کے درمیان قدرتی آفات سے نمٹنے کے شعبے میں باہمی تعاون کے فروغ کے لیے مفاہمتی یادداشت پر دستخط کیے گئے۔ معاہدے پر جامعہ بلوچستان کے وائس چانسلر پروفیسر ڈاکٹر ظہور احمد باذئی اور این ڈی ایم اے کے حکام نے دستخط کیے۔
اس مفاہمتی یادداشت کا مقصد ڈیزاسٹر مینجمنٹ، تحقیق، تربیت، آگاہی اور طلباء کی عملی پیشہ ورانہ تربیت کے مواقع فراہم کرنا ہے۔ معاہدے کے تحت دونوں ادارے مشترکہ ورکشاپس، انٹرن شپس، تحقیقی پروگرامز اور فیلڈ ٹریننگ کے انعقاد پر مل کر کام کریں گے۔

تقریب میں بلوچستان کی دیگر جامعات کے وائس چانسلرز بھی شریک تھے، جنہوں نے اس شراکت داری کو تعلیمی اداروں اور قومی اداروں کے درمیان روابط کو مضبوط بنانے کی جانب ایک اہم اور مثبت پیش رفت قرار دیا۔
اس موقع پر جامعہ بلوچستان کے وائس چانسلر پروفیسر ڈاکٹر ظہور احمد باذئی نے کہا کہ یہ معاہدہ بلوچستان میں تعلیمی، تحقیقی اور پیشہ ورانہ ترقی کے لیے ایک اہم سنگِ میل ثابت ہوگا۔ ان کا کہنا تھا کہ اس شراکت داری کے ذریعے طلباء کو ڈیزاسٹر مینجمنٹ کے شعبے میں عملی تجربہ حاصل کرنے کے مواقع میسر آئیں گے۔
مزید برآں، جامعہ بلوچستان اور این ڈی ایم اے مشترکہ طور پر تحقیقی رپورٹس، پالیسی سفارشات اور آگاہی مہمات پر بھی کام کریں گے تاکہ قدرتی آفات کے حوالے سے عوامی شعور اجاگر کیا جا سکے اور مؤثر حکمتِ عملی ترتیب دی جا سکے۔

Balochistan Board Announces FA/FSc Annual Examination 2026 Results

HEC Conducts Scholarship Aptitude Test for Female Students Across Balochistan

Balochistan School Education Secretary Attends Little Scientist Day Exhibition in Quetta

Governor Chairs University of Loralai Senate Meeting, Calls for Quality Education and Financial Sustainability

Balochistan Announces Summer Vacations for Winter Zone Schools

BBISE Introduces New Practical Examination System for Matric Students