بلوچستان محکمہ صحت نے AI پر مبنی حاضری کا نظام کامیابی سے شروع کر دیا
بلوچستان کے محکمہ صحت نے ملازمین کی حاضری کے لیے جدید AI نظام کا آغاز کیا ہے۔ پہلے مرحلے میں تقریباً 13 ہزار ملازمین کی رجسٹریشن مکمل ہوئی، اور تمام ہسپتالوں، صحت کے مراکز اور لیڈی ہیلتھ ورکرز کو نظام میں شامل کیا گیا ہے۔ اس خودکار نظام سے حاضری کے ریکارڈ شفاف اور منظم ہو گئے ہیں اور غیر حاضر ملازمین کی تنخواہوں میں کٹوتی بھی اسی کے ذریعے کی جائے گی۔ محکمہ صحت کا منصوبہ ہے کہ 31 دسمبر تک باقی 23 ہزار ملازمین کی معلومات بھی شامل کر دی جائیں۔
رپورٹ: ماہ رنگ بلوچ
بلوچستان کے محکمہ صحت نے ملازمین کی حاضری کے جدید AI نظام کا آغاز کرتے ہوئے پہلے مرحلے کو کامیابی سے مکمل کر لیا ہے۔ اس مرحلے میں صوبے کے تمام اضلاع کے ڈی ایچ کیوز اور میڈیکل کالجز کے اسٹاف کی رجسٹریشن کی گئی ہے۔
محکمہ کے اہلکاروں نے بتایا کہ اس سسٹم میں اب تمام ہسپتالوں، صحت کے مراکز اور لیڈی ہیلتھ ورکرز کو بھی شامل کر لیا گیا ہے۔ ابتدائی مرحلے میں تقریباً 13 ہزار ملازمین کی رجسٹریشن مکمل ہوئی، جب کہ محکمہ میں کل 36 ہزار ملازمین موجود ہیں۔
حاضری کے اس خودکار نظام کے نفاذ سے اسپتالوں اور صحت کے مراکز میں حاضری کے ریکارڈ کو منظم اور شفاف بنایا جا رہا ہے۔ غیر حاضر ملازمین کی تنخواہوں میں کٹوتی کا عمل بھی اسی نظام کے ذریعے شروع کیا گیا ہے۔
مزید رجسٹریشن جاری ہے اور محکمہ صحت کا منصوبہ ہے کہ 31 دسمبر تک باقی 23 ہزار ملازمین کی معلومات بھی AI سسٹم میں شامل کر دی جائیں۔
Related News
