بلوچستان کی باہمت بیٹی بریرہ شاہ کی نیشنل گیمز میں شاندار کامیابیاں۔
کوئٹہ: بلوچستان کی باہمت بیٹی بریرہ شاہ نے 35ویں نیشنل گیمز میں فینسنگ کے مقابلوں میں شاندار کارکردگی کا مظاہرہ کرتے ہوئے دو گولڈ، ایک سلور اور ایک برانز میڈل اپنے نام کر لیے۔ ان کی اس کامیابی پر کھیلوں کے حلقوں نے مسرت کا اظہار کیا ہے۔
رپورٹ: محمد خان کاکڑ
بلوچستان کی باہمت اور باصلاحیت کھلاڑی بریرہ شاہ نے 35ویں نیشنل گیمز میں فینسنگ کے میدان میں اپنی صلاحیتوں کا لوہا منواتے ہوئے شاندار کامیابی حاصل کی ہے۔ انہوں نے مختلف کیٹیگریز میں بہترین کارکردگی کا مظاہرہ کرتے ہوئے دو گولڈ، ایک سلور اور ایک برانز میڈل اپنے نام کر لیے۔
بریرہ شاہ کی اس غیر معمولی کامیابی کو نہ صرف بلوچستان بلکہ پورے ملک میں سراہا جا رہا ہے۔ کھیلوں سے وابستہ شخصیات اور عوام نے ان کی کارکردگی کو نوجوانوں کے لیے قابلِ تقلید قرار دیتے ہوئے کہا کہ بریرہ نے ثابت کیا ہے کہ بلوچستان کے نوجوانوں میں بے پناہ ٹیلنٹ موجود ہے جو مواقع ملنے پر عالمی سطح پر بھی ملک کا نام روشن کرسکتے ہیں۔
بریرہ شاہ نے اپنی کامیابی کو اپنے کوچز، خاندان اور کھیل سے محبت کا نتیجہ قرار دیتے ہوئے کہا کہ وہ مستقبل میں بھی ملک کے لیے مزید کامیابیاں حاصل کرنے کا عزم رکھتی ہیں۔
Related News
.jpeg)
.jpeg)