ڈاکٹر محب الرحمان کاکڑ شعبہ اسپورٹس میں بلوچستان کے پہلے پی ایچ ڈی ڈاکٹر بن گئے
.jpeg)
ڈاکٹر محب الرحمان کاکڑ بلوچستان کے شعبہ اسپورٹس میں پی ایچ ڈی کرنے والے پہلے فرد بن گئے ہیں، جو صوبے کے لیے ایک تاریخی اور قابلِ فخر کامیابی ہے۔ ان کی یہ کامیابی نوجوانوں کے لیے مثال ہے اور توقع ہے کہ وہ کھیلوں کے شعبے کی ترقی اور جدید پالیسی سازی میں اہم کردار ادا
تحریر: محمد خان کاکڑ، نظربان بلوچستان
کوئٹہ(نظربان بلوچستان ) شعبہ اسپورٹس بلوچستان کے لیے یہ ایک قابلِ فخر اور تاریخی لمحہ ہے کہ اسسٹنٹ ڈائریکٹر اسپورٹس، ڈاکٹر محب الرحمان کاکڑ، شعبہ اسپورٹس میں بلوچستان کے پہلے پی ایچ ڈی ڈاکٹر بن گئے ہیں۔ ان کی یہ شاندار کامیابی نہ صرف ان کی مسلسل محنت، لگن اور صلاحیتوں کا منہ بولتا ثبوت ہے بلکہ پورے صوبے کے لیے ایک اہم اعزاز بھی ہے۔
ڈاکٹر محب الرحمان کاکڑ نے اعلیٰ تعلیم کے میدان میں یہ نمایاں سنگِ میل عبور کرکے بلوچستان کے نوجوانوں، کھلاڑیوں اور اسپورٹس سے وابستہ افراد کے لیے ایک نئی مثال قائم کی ہے۔ ان کی کامیابی اس بات کا ثبوت ہے کہ عزم، محنت اور مستقل مزاجی کے ذریعے ہر منزل حاصل کی جا سکتی ہے۔
کھیلوں کے شعبے میں ان کی علمی و تحقیقی خدمات مستقبل میں بلوچستان میں اسپورٹس کے فروغ، نوجوان ٹیلنٹ کی تربیت، جدید اسپورٹس پالیسیوں کی تشکیل اور کھیلوں کے معیار کو بہتر بنانے میں اہم کردار ادا کریں گی۔ ماہرین کا کہنا ہے کہ اعلیٰ تعلیم یافتہ اور تحقیقی سوچ رکھنے والے افسران کی موجودگی کسی بھی ادارے کی ترقی اور بہتری میں کلیدی حیثیت رکھتی ہے۔
شعبہ اسپورٹس بلوچستان نے ڈاکٹر محب الرحمان کاکڑ کو اس تاریخی اعزاز پر دلی مبارکباد پیش کرتے ہوئے ان کے لیے مزید کامیابیوں، ترقی اور نیک تمناؤں کا اظہار کیا ہے۔ بلاشبہ ان کی یہ کامیابی نہ صرف ان کی ذاتی کاوشوں کا نتیجہ ہے بلکہ بلوچستان کے کھیلوں کے شعبے کے لیے بھی ایک اہم سنگِ میل کی حیثیت رکھتی ہے۔
Keywords: Dr. Muhib-ur-Rehman Kakar, Sports PhD Balochistan, Sports development, Academic achievement
Related News
.jpeg)
.jpeg)