کیچ اسپورٹس اینڈ فٹنس فیسٹیول 2026 میں دلچسپ کھیلوں کا مظاہرہ
تربت کے کیچ اسٹیڈیم میں کیچ اسپورٹس اینڈ فٹنس فیسٹیول 2026 کے تحت فٹبال، والی بال اور کرکٹ کے سنسنی خیز مقابلے منعقد ہوئے، جن میں کھلاڑیوں کی شاندار کارکردگی اور شائقین کا جوش و خروش نمایاں رہا۔ نوجوانوں میں کھیلوں کے فروغ اور صحت مند سرگرمیوں کے قیام کے لیے یہ فیسٹیول اہم اقدام ثابت ہوا۔
رپورٹ: سیدہ نتاشا
کیچ اسپورٹس اینڈ فٹنس فیسٹیول 2026 کے تحت کیچ اسٹیڈیم میں فٹبال، والی بال اور کرکٹ کے مقابلے منعقد ہوئے، جن میں کھلاڑیوں کی بہترین کارکردگی اور شائقین کی بھرپور دلچسپی دیکھی گئی۔
فٹبال کے دو دلچسپ میچز کھیلے گئے۔ پہلے میچ میں سول سوسائٹی کیچ نے شہید ولید جان فٹبال کلب پنجگور کو 2 کے مقابلے میں 1 گول سے شکست دی۔ دوسرے میچ میں ڈی ایف اے پنجگور اور شیخ حاجی لیاقت فٹبال کلب کراچی کے درمیان مقابلہ ہوا، جس میں کراچی کی ٹیم نے 3-1 سے فتح حاصل کی۔
والی بال کے مقابلے میں ڈسٹرکٹ والی بال ایسوسی ایشن کیچ اور ڈسٹرکٹ پنجگور کی ٹیمیں مدِمقابل آئیں، جس میں بہتر کارکردگی دکھاتے ہوئے ڈسٹرکٹ پنجگور نے کامیابی حاصل کی۔
کرکٹ کے مقابلے میں ڈی سی اے گوادر اور کے ایم سی پنجگور کی ٹیمیں مدِمقابل ہوئیں، جس میں کے ایم سی پنجگور نے 38 رنز سے کامیابی حاصل کی۔
ماہرین کا کہنا ہے کہ کیچ اسپورٹس اینڈ فٹنس فیسٹیول نوجوانوں میں کھیلوں کے فروغ، صحت مند سرگرمیوں کے انعقاد اور مثبت رجحانات کے قیام کے لیے ایک اہم قدم ہے، جس میں نوجوان بڑی تعداد میں حصہ لے رہے ہیں۔
Related News
.jpeg)
.jpeg)