پاکستان ڈے اور رمضان اسپورٹس فیسٹیول 2026 کی تیاریوں کا جائزہ، اہم اجلاس منعقد
کوئٹہ میں پاکستان ڈے اور رمضان اسپورٹس فیسٹیول 2026 کی تیاریوں کے حوالے سے اہم اجلاس میں انتظامات، سیکیورٹی اور کھیلوں کے شیڈول کا جائزہ لیا گیا، جبکہ تمام امور بروقت مکمل کرنے کی ہدایت کی گئی۔
رپورٹ: سیدہ نتاشا
پاکستان ڈے 23 مارچ اور رمضان اسپورٹس فیسٹیول 2026 کی تیاریوں کے سلسلے میں اسسٹنٹ ڈائریکٹر ایکٹیوٹیز آصف لانگو کی زیر صدارت ایک اہم اجلاس منعقد ہوا، جس میں مختلف کھیلوں کے کوچز نے شرکت کی۔
اجلاس کے دوران فیسٹیول کے انتظامات کا تفصیلی جائزہ لیا گیا۔ شرکاء کو مختلف کھیلوں کے شیڈول، کھلاڑیوں کی رجسٹریشن، گراؤنڈز کی تیاری، سہولیات کی فراہمی اور سیکیورٹی انتظامات سے متعلق بریفنگ دی گئی۔
اس موقع پر اسسٹنٹ ڈائریکٹر ایکٹیوٹیز آصف لانگو نے ہدایت جاری کی کہ تمام انتظامات بروقت اور منظم انداز میں مکمل کیے جائیں تاکہ کھلاڑیوں اور شائقین کو بہترین سہولیات میسر آ سکیں اور فیسٹیول کامیابی سے منعقد ہو۔
اجلاس میں اس عزم کا اظہار کیا گیا کہ پاکستان ڈے اور رمضان اسپورٹس فیسٹیول کو شایانِ شان انداز میں منعقد کیا جائے گا اور نوجوانوں کو مثبت سرگرمیوں کے مواقع فراہم کیے جائیں
Related News
