صوبائی وزیرِ صحت بخت محمد کاکڑ کی پی پی ایچ آئی سے متعلق اجلاس کی صدارت
صوبائی وزیرِ صحت بلوچستان بخت محمد کاکڑ کی زیرِ صدارت پی پی ایچ آئی سے متعلق اجلاس میں دیہی اور دور دراز علاقوں میں بنیادی صحت کی سہولیات، کارکردگی، شفافیت اور نگرانی کے نظام کا جائزہ لیا گیا، جبکہ صحت کے نظام کو مزید مؤثر بنانے پر زور دیا گیا۔
رپورٹ: سیدہ نتاشا
صوبائی وزیرِ صحت بلوچستان بخت محمد کاکڑ کی زیرِ صدارت پیپلز پرائمری ہیلتھ کیئر انیشی ایٹو (پی پی ایچ آئی) سے متعلق ایک اہم اجلاس منعقد ہوا۔ اجلاس میں صوبے کے مختلف اضلاع خصوصاً دور دراز اور دیہی علاقوں میں پی پی ایچ آئی کے تحت فراہم کی جانے والی بنیادی صحت کی سہولیات کا تفصیلی جائزہ لیا گیا۔
صوبائی وزیرِ صحت نے اجلاس سے خطاب کرتے ہوئے کہا کہ عوام کو معیاری، بروقت اور مؤثر طبی سہولیات کی فراہمی حکومتِ بلوچستان کی اولین ترجیح ہے۔ انہوں نے ہدایت کی کہ بنیادی صحت کے مراکز میں سروس ڈیلیوری کو مزید بہتر بنایا جائے تاکہ عوام کو بہتر علاج کی سہولت میسر آ سکے۔
اجلاس میں سیکریٹری صحت مجیب الرحمٰن اور چیف ایگزیکٹو آفیسر پی پی ایچ آئی نے شرکت کی، جنہوں نے پی پی ایچ آئی کی مجموعی کارکردگی، درپیش چیلنجز اور آئندہ کے لائحہ عمل پر تفصیلی بریفنگ دی۔
صوبائی وزیرِ صحت بخت محمد کاکڑ نے متعلقہ حکام کو ہدایت کی کہ شفافیت کو یقینی بنایا جائے، نگرانی کے نظام کو مزید مضبوط کیا جائے اور صحت کے منصوبوں کی مؤثر عملدرآمد کے لیے عملی اقدامات کیے جائیں۔
اجلاس کے اختتام پر صوبائی وزیرِ صحت نے بلوچستان میں بنیادی صحت کے نظام کو مزید بہتر بنانے اور عوام کو بہتر طبی سہولیات کی فراہمی کے لیے حکومت کے پختہ عزم کا اعادہ کیا۔
Related News
