کوئٹہ کے محمد ہاشم نے ملائیشیا میں فیفا-اے ایف سی بی لائسنس کورس کا پہلا مرحلہ مکمل کر لیا
کوئٹہ سے تعلق رکھنے والے نوجوان فٹبال کوچ محمد ہاشم نے ملائیشیا میں فیفا اور اے ایف سی بی لائسنس کوچنگ کورس کا پہلا مرحلہ کامیابی سے مکمل کر لیا۔ فٹبال حلقوں نے اسے بلوچستان میں فٹبال کے فروغ اور نوجوان کوچز کی پیشہ ورانہ تربیت کے لیے اہم پیش رفت قرار دیا ہے۔
رپورٹ : محمد خان کاکڑ
کوئٹہ میں بلوچستان کی فٹبال کمیونٹی کے لیے ایک خوش آئند خبر سامنے آئی ہے۔ ضلع کوئٹہ سے تعلق رکھنے والے نوجوان فٹبال کوچ محمد ہاشم نے ملائیشیا میں اپنی مدد آپ کے تحت فیفا (FIFA) اور ایشین فٹبال کنفیڈریشن (AFC) کے بی لائسنس کوچنگ کورس کا پہلا مرحلہ کامیابی سے مکمل کر لیا۔
محمد ہاشم کی یہ کامیابی بلوچستان میں فٹبال کے فروغ اور نوجوان کوچز کی پیشہ ورانہ تربیت کے حوالے سے ایک اہم سنگِ میل قرار دی جا رہی ہے۔
اس موقع پر محمد ہاشم نے اپنی کامیابی بلوچستان کی فٹبال کمیونٹی کے نام کرتے ہوئے بلوچستان سپورٹس بورڈ، بلوچستان فٹبال ایسوسی ایشن اور پاکستان فٹبال فیڈریشن کا خصوصی شکریہ ادا کیا۔ انہوں نے کہا کہ ان اداروں کی حوصلہ افزائی اور تعاون نے انہیں اس سفر میں آگے بڑھنے کا موقع فراہم کیا۔
فٹبال حلقوں نے محمد ہاشم کو اس کامیابی پر مبارکباد دیتے ہوئے امید ظاہر کی ہے کہ وہ مستقبل میں اپنی صلاحیتوں اور جدید کوچنگ مہارتوں کے ذریعے بلوچستان اور پاکستان میں فٹبال کی ترقی میں اہم کردار ادا کریں گے۔
Keywords : Football Coaching, FIFA AFC B Licence, Muhammad Hashim, Balochistan Football
Related News
.jpeg)
