سردار بہادر خان ویمن یونیورسٹی میں
سردار بہادر خان ویمن یونیورسٹی کوئٹہ نے ہائر ایجوکیشن کمیشن (ایچ ای سی) پاکستان کے تعاون سے سینٹرل لائبریری میں " سیرتُ النبیؐ کارنر "قائم کر دیا، جسے اسلامی تعلیمات اور سیرتِ رسول ﷺ کے مطالعے کے فروغ کی جانب ایک اہم قدم قرار دیا جا رہا ہے۔ یونیورسٹی کے مطابق اس خصوصی کارنر میں 14 جدید لیپ ٹاپ فراہم کیے گئے ہیں، جن کے ذریعے طالبات اور سٹاف کو رسولِ اکرم حضرت محمد ﷺ کی سیرت کا مطالعہ ڈیجیٹل ذرائع سے کرنے کا موقع میسر ہوگا۔ اس کارنر میں سیرتِ رسول ﷺ سے متعلق کتابیں ،تحقیقی مواد اور دیگر علمی وسائل بھی دستیاب کیے گئے ہیں، جو سیرت النبی ﷺ پر تحقیق اور مطالعے کو مزید آسان بنائیں گے۔ یونیورسٹی انتظامیہ کا کہنا ہے " سیرتُ النبیؐ کارنر" کا قیام نوجوانوں کی فکری و اخلاقی تربیت کے لیے اہم کردار ادا کرے گا، جبکہ یہ اقدام طلبہ کو روحانی اور تعلیمی رہنمائی فراہم کرنے میں مددگار ثابت ہوگا۔ یونیورسٹی حکام نے امید ظاہر کی ہے کہ اس کارنر سے مستفید ہونے والی طالبات نہ صرف علمی میدان میں بہتر کارکردگی دکھائیں گی بلکہ اسلامی اصولوں کی روشنی میں اپنی شخصیت کو بھی نکھارنے میں کامیاب ہوں گی۔
سردار بہادر خان ویمن یونیورسٹی میں "سیرتُ النبیؐ کارنر" کا افتتاح
رپورٹر :عروبہ شہزاد
سردار بہادر خان ویمن یونیورسٹی کوئٹہ نے ہائر ایجوکیشن کمیشن (ایچ ای سی) پاکستان کے تعاون سے سینٹرل لائبریری میں " سیرتُ النبیؐ کارنر "قائم کر دیا، جسے اسلامی تعلیمات اور سیرتِ رسول ﷺ کے مطالعے کے فروغ کی جانب ایک اہم قدم قرار دیا جا رہا ہے۔
یونیورسٹی کے مطابق اس خصوصی کارنر میں 14 جدید لیپ ٹاپ فراہم کیے گئے ہیں، جن کے ذریعے طالبات اور سٹاف کو رسولِ اکرم حضرت محمد ﷺ کی سیرت کا مطالعہ ڈیجیٹل ذرائع سے کرنے کا موقع میسر ہوگا۔ اس کارنر میں سیرتِ رسول ﷺ سے متعلق کتابیں ،تحقیقی مواد اور دیگر علمی وسائل بھی دستیاب کیے گئے ہیں، جو سیرت النبی ﷺ پر تحقیق اور مطالعے کو مزید آسان بنائیں گے۔
یونیورسٹی انتظامیہ کا کہنا ہے " سیرتُ النبیؐ کارنر" کا قیام نوجوانوں کی فکری و اخلاقی تربیت کے لیے اہم کردار ادا کرے گا، جبکہ یہ اقدام طلبہ کو روحانی اور تعلیمی رہنمائی فراہم کرنے میں مددگار ثابت ہوگا۔ یونیورسٹی حکام نے امید ظاہر کی ہے کہ اس کارنر سے مستفید ہونے والی طالبات نہ صرف علمی میدان میں بہتر کارکردگی دکھائیں گی بلکہ اسلامی اصولوں کی روشنی میں اپنی شخصیت کو بھی نکھارنے میں کامیاب ہوں گی۔
Related News
