جامعہ بلوچستان نے ایچ ای سی صوبائی بیڈمنٹن چیمپئن شپ جیت لی
جامعہ بلوچستان کی بیڈمنٹن ٹیم نے فائنل میچ میں بیوٹمز کو شکست دے کر ایچ ای سی صوبائی بیڈمنٹن چیمپئن شپ کا ٹائٹل اپنے نام کیا۔ یہ ٹورنامنٹ یو ای ٹی خضدار میں منعقد ہوا۔ کامیابی کے بعد ٹیم اب این ای ڈی یونیورسٹی کراچی میں پاکستان لیول چیمپئن شپ میں بلوچستان کی نمائندگی کرے گی۔ وائس چانسلر ڈاکٹر ظہور احمد بازئی نے ٹیم کی محنت اور جذبے کو سراہا۔
رپورٹ:سیدہ نتاشا
جامعہ بلوچستان کی بیڈمنٹن ٹیم نے اعلیٰ کارکردگی اور شاندار کھیل کا مظاہرہ کرتے ہوئے ایچ ای سی صوبائی بیڈمنٹن چیمپئن شپ جیت لی۔ فائنل میچ میں جامعہ بلوچستان نے بھرپور مقابلے کے بعد بیوٹمز کی مضبوط ٹیم کو شکست دے کر ٹائٹل اپنے نام کیا۔
یہ اہم ترین مقابلہ یونیورسٹی آف انجینئرنگ اینڈ ٹیکنالوجی (یو ای ٹی) خضدار میں منعقد ہوا، جس کی نگرانی جامعہ بلوچستان کے ڈائریکٹر اسپورٹس نے کی۔ ٹورنامنٹ میں کھلاڑیوں نے مہارت، نظم و ضبط، ٹیم ورک اور بہترین اسپورٹس مین اسپرٹ کا عملی مظاہرہ کیا۔ حکمت عملی، یکسوئی اور مسلسل محنت نے ٹیم کی کامیابی میں مرکزی کردار ادا کیا
اس شاندار فتح کے بعد جامعہ بلوچستان کی بیڈمنٹن ٹیم اب این ای ڈی یونیورسٹی کراچی میں ہونے والی ایچ ای سی پاکستان لیول بیڈمنٹن چیمپئن شپ میں صوبہ بلوچستان کی نمائندگی کرے گی، جہاں ملک بھر کے اعلیٰ تعلیمی اداروں کی ٹیمیں ایک دوسرے کے مدمقابل ہوں گی۔
وائس چانسلر جامعہ بلوچستان پروفیسر ڈاکٹر ظہور احمد بازئی نے کھلاڑیوں کو کامیابی پر مبارکباد دیتے ہوئے کہا کہ یہ فتح ٹیم کی لگن، محنت اور اتحاد کا نتیجہ ہے۔ انہوں نے کہا کہ ٹیم نے ایک بار پھر جامعہ بلوچستان کا نام فخر سے بلند کیا ہے۔ ڈاکٹر بازئی نے اُمید ظاہر کی کہ قومی سطح پر بھی یہ ٹیم اپنی بہترین کارکردگی جاری رکھتے ہوئے مزید اعزازات اپنے نام کرے گی۔
Related News
.jpeg)
.jpeg)