جمہوریت اور آزاد صحافت ایک دوسرے کے لیے لازم و ملزوم ہیں، گورنر بلوچستان

کوئٹہ : گورنر بلوچستان جعفر خان مندوخیل نے کہا ہے کہ جمہوریت اور آزاد صحافت کا آپس میں گہرا تعلق ہے اور صحافت ریاست کے چوتھے ستون کے طور پر حکومت اور عوام کے درمیان ایک مؤثر پُل کا کردار ادا کر رہی ہے۔ گورنر بلوچستان نے یہ بات گورنر ہاؤس کوئٹہ میں سماء ٹی وی کے بیورو چیف جلال نورزئی کی قیادت میں آنے والے وفد سے ملاقات کے دوران کہی، جس میں سینئر صحافی شہزادہ ذوالفقار اور کوئٹہ پریس کلب کے صدر عرفان سعید بھی موجود تھے۔ ان کا کہنا تھا کہ ہر نیا دور نئی اقدار اور تقاضوں کو جنم دیتا ہے اور میڈیا و جرنلزم کی صنعت کو آرٹیفیشل انٹیلیجنس اور سوشل میڈیا کی تیز رفتار ترقی کے باعث بڑے چیلنجز کا سامنا ہے۔ گورنر مندوخیل کے مطابق اگر میڈیا سے وابستہ افراد جدید ٹیکنالوجی سے ہم آہنگ نہ ہوئے تو ان کے لیے مستقبل میں مشکلات پیدا ہو سکتی ہیں۔ انہوں نے کہا کہ دنیا بھر میں میڈیا ہاؤسز میں ڈاؤن سائزنگ اس بات کا ثبوت ہے کہ روایتی کاروباری ماڈلز تیزی سے بدل رہے ہیں۔ گورنر بلوچستان نے اس بات پر زور دیا کہ بدلتے ہوئے حالات کو سمجھتے ہوئے جامع حکمت عملی اپنانا ناگزیر ہے، کیونکہ میڈیا کا مستقبل اس کی موافقت اور ارتقائی صلاحیت سے جڑا ہوا ہے۔

جمہوریت اور آزاد صحافت ایک دوسرے کے لیے لازم و ملزوم ہیں، گورنر بلوچستان

کوئٹہ : گورنر بلوچستان جعفر خان مندوخیل نے کہا ہے کہ جمہوریت اور آزاد صحافت کا آپس میں گہرا تعلق ہے اور صحافت ریاست کے چوتھے ستون کے طور پر حکومت اور عوام کے درمیان ایک مؤثر پُل کا کردار ادا کر رہی ہے۔
گورنر بلوچستان نے یہ بات گورنر ہاؤس کوئٹہ میں سماء ٹی وی کے بیورو چیف جلال نورزئی کی قیادت میں آنے والے وفد سے ملاقات کے دوران کہی، جس میں سینئر صحافی شہزادہ ذوالفقار اور کوئٹہ پریس کلب کے صدر عرفان سعید بھی موجود تھے۔
ان کا کہنا تھا کہ ہر نیا دور نئی اقدار اور تقاضوں کو جنم دیتا ہے اور میڈیا و جرنلزم کی صنعت کو آرٹیفیشل انٹیلیجنس اور سوشل میڈیا کی تیز رفتار ترقی کے باعث بڑے چیلنجز کا سامنا ہے۔
گورنر مندوخیل کے مطابق اگر میڈیا سے وابستہ افراد جدید ٹیکنالوجی سے ہم آہنگ نہ ہوئے تو ان کے لیے مستقبل میں مشکلات پیدا ہو سکتی ہیں۔ انہوں نے کہا کہ دنیا بھر میں میڈیا ہاؤسز میں ڈاؤن سائزنگ اس بات کا ثبوت ہے کہ روایتی کاروباری ماڈلز تیزی سے بدل رہے ہیں۔
گورنر بلوچستان نے اس بات پر زور دیا کہ بدلتے ہوئے حالات کو سمجھتے ہوئے جامع حکمت عملی اپنانا ناگزیر ہے، کیونکہ میڈیا کا مستقبل اس کی موافقت اور ارتقائی صلاحیت سے جڑا ہوا ہے۔