اسٹار لنک سیٹلائٹ میں خرابی، زمین پر گرنے کا خطرہ: اسپیس ایکس نے خبردار کیا
ایلون مسک کی کمپنی اسپیس ایکس نے خبردار کیا ہے کہ اسٹار لنک نیٹ ورک کا ایک سیٹلائٹ تکنیکی خرابی کے باعث کمپنی کے کنٹرول سے باہر ہو گیا ہے، جس کے باعث اس کے زمین پر گرنے کا خدشہ پیدا ہو گیا ہے۔ غیر ملکی خبر رساں ایجنسی کے مطابق اسپیس ایکس کا کہنا ہے کہ مدار میں موجود اسٹار لنک سیٹلائٹس میں سے ایک کو اچانک تکنیکی مسئلہ پیش آیا، جس کے بعد سیٹلائٹ بے قابو ہو گیا اور بعد ازاں ٹکڑوں میں ٹوٹ گیا۔ کمپنی کے مطابق اس سیٹلائٹ کے ٹوٹنے کے بعد اس کے متعدد حصے اس وقت خلا میں گردش کر رہے ہیں۔ خدشہ ظاہر کیا جا رہا ہے کہ یہ ٹوٹے ہوئے ٹکڑے آئندہ چند ہفتوں میں مدار سے نکل کر زمین کی جانب گر سکتے ہیں، تاہم یہ واضح نہیں کیا گیا کہ یہ ملبہ کس مقام پر گر سکتا ہے۔ اسپیس ایکس نے صارفین اور متعلقہ حکام کو صورتحال سے آگاہ کرتے ہوئے محتاط رہنے کی ہدایت کی ہے۔ کمپنی کا کہنا ہے کہ تاحال کسی جانی یا مالی نقصان کی کوئی تصدیق نہیں ہوئی۔ کمپنی نے مزید وضاحت کی ہے کہ وہ اس صورتحال پر مسلسل نظر رکھے ہوئے ہے اور مدار میں موجود ملبے کی نگرانی کی جا رہی ہے۔ اسپیس ایکس کے مطابق اسٹار لنک سیٹلائٹس کو اس طرح ڈیزائن کیا جاتا ہے کہ وہ عموماً زمین کے ماحول میں داخل ہوتے ہی جل جاتے ہیں، جس سے نقصان کے امکانات کم ہو جاتے ہیں۔ مستقبل میں ایسے واقعات سے بچاؤ کے لیے حفاظتی اقدامات کو مزید بہتر بنایا جائے گا۔
اسٹار لنک سیٹلائٹ میں خرابی، زمین پر گرنے کا خطرہ: اسپیس ایکس نے خبردار کیا
رپورٹ : اقصی بلوچ
ایلون مسک کی کمپنی اسپیس ایکس نے خبردار کیا ہے کہ اسٹار لنک نیٹ ورک کا ایک سیٹلائٹ تکنیکی خرابی کے باعث کمپنی کے کنٹرول سے باہر ہو گیا ہے، جس کے باعث اس کے زمین پر گرنے کا خدشہ پیدا ہو گیا ہے۔
غیر ملکی خبر رساں ایجنسی کے مطابق اسپیس ایکس کا کہنا ہے کہ مدار میں موجود اسٹار لنک سیٹلائٹس میں سے ایک کو اچانک تکنیکی مسئلہ پیش آیا، جس کے بعد سیٹلائٹ بے قابو ہو گیا اور بعد ازاں ٹکڑوں میں ٹوٹ گیا۔
کمپنی کے مطابق اس سیٹلائٹ کے ٹوٹنے کے بعد اس کے متعدد حصے اس وقت خلا میں گردش کر رہے ہیں۔ خدشہ ظاہر کیا جا رہا ہے کہ یہ ٹوٹے ہوئے ٹکڑے آئندہ چند ہفتوں میں مدار سے نکل کر زمین کی جانب گر سکتے ہیں، تاہم یہ واضح نہیں کیا گیا کہ یہ ملبہ کس مقام پر گر سکتا ہے۔
اسپیس ایکس نے صارفین اور متعلقہ حکام کو صورتحال سے آگاہ کرتے ہوئے محتاط رہنے کی ہدایت کی ہے۔ کمپنی کا کہنا ہے کہ تاحال کسی جانی یا مالی نقصان کی کوئی تصدیق نہیں ہوئی۔
کمپنی نے مزید وضاحت کی ہے کہ وہ اس صورتحال پر مسلسل نظر رکھے ہوئے ہے اور مدار میں موجود ملبے کی نگرانی کی جا رہی ہے۔ اسپیس ایکس کے مطابق اسٹار لنک سیٹلائٹس کو اس طرح ڈیزائن کیا جاتا ہے کہ وہ عموماً زمین کے ماحول میں داخل ہوتے ہی جل جاتے ہیں، جس سے نقصان کے امکانات کم ہو جاتے ہیں۔ مستقبل میں ایسے واقعات سے بچاؤ کے لیے حفاظتی اقدامات کو مزید بہتر بنایا جائے گا۔
Related News
