سابق عالمی باکسنگ چیمپئن عامر خان کا لیاری فٹبال اسٹیڈیم میں شاندار استقبال

کراچی: پاکستانی نژاد برطانوی سابق عالمی باکسنگ چیمپئن عامر خان عالمی فٹبال کپ کے سلسلے میں فرانس اور اسپین کے درمیان سیمی فائنل میچ بڑی اسکرین پر دیکھنے کے لیے لیاری انٹرنیشنل فٹبال اسٹیڈیم پہنچے، جہاں شائقین نے ان کا والہانہ استقبال کیا۔

عامر خان کی آمد پر اسٹیڈیم "پاکستان زندہ باد" کے نعروں سے گونج اٹھا، جبکہ انہوں نے ہاتھ ہلا کر حاضرین کے نعروں کا جواب دیا۔ اس موقع پر انہوں نے کہا کہ لیاری فٹبال اور باکسنگ سے محبت کرنے والوں کا گڑھ ہے۔

منی برازیل کے نام سے مشہور لیاری میں سیمی فائنل میچ دیکھنے کے لیے بڑی اسکرین نصب کی گئی تھی، جہاں فٹبال کے شائقین کی بڑی تعداد نے فرانس اور اسپین کے درمیان دلچسپ مقابلہ دیکھا اور بھرپور جوش و خروش کا مظاہرہ کیا۔

میڈیا سے گفتگو کرتے ہوئے عامر خان نے کہا کہ فٹبال میں ان کی پسندیدہ ٹیم برطانیہ ہے۔ تقریب کے دوران شاندار آتش بازی کا بھی مظاہرہ کیا گیا، جس سے شائقین کا جوش مزید بڑھ گیا۔