وزیراعظم کا مسلم ورلڈ لیگ سے غزہ اور مشرقِ وسطیٰ میں امن کے لیے مؤثر کردار ادا کرنے کا مطالبہ

اسلام آباد: وزیراعظم شہباز شریف نے مسلم ورلڈ لیگ کے سیکریٹری جنرل شیخ ڈاکٹر محمد بن عبدالکریم العیسیٰ سے ملاقات میں تنظیم پر زور دیا کہ وہ غزہ، مشرقِ وسطیٰ اور دیگر مسلم خطوں میں امن و استحکام کے قیام کے لیے مؤثر کردار ادا کریں۔

انہوں نے کہا کہ مسلم دنیا کو درپیش چیلنجز، بالخصوص غزہ، ایران اور خلیجی خطے کی صورتحال کے تناظر میں مذہبی ہم آہنگی اور مکالمے کو فروغ دینا ناگزیر ہے۔ دوسری جانب ایرانی وزارت خارجہ کے ترجمان اسماعیل بقائی نے کہا کہ ایران، قطر، پاکستان اور عمان کی ثالثی کی کوششوں کے ذریعے امریکہ کے ساتھ کشیدگی میں مزید اضافے کو روکنے کے لیے رابطے جاری رکھے ہوئے ہے۔ انہوں نے کہا کہ ایران نے اپنے وعدوں کی خلاف ورزی میں کبھی پہل نہیں کی۔

Keywords : Shehbaz Sharif, Muslim World, Middle East Peace, Gaza