وزیراعلیٰ بلوچستان میر سرفراز بگٹی کا گزشتہ رات کوئٹہ کے مختلف علاقوں کا دورہ، سیکیورٹی صورتحال کا جائزہ

وزیراعلیٰ بلوچستان میر سرفراز بگٹی نے گزشتہ رات کوئٹہ شہر کے مختلف مقامات کا دورہ کیا جہاں انہوں نے سیکیورٹی پر مامور پولیس اہلکاروں سے ملاقات کی اور ان کے حوصلے بلند کیے۔ وزیراعلیٰ نے کہا کہ بلوچستان کے جوان ہر قسم کی دہشت گردی اور بے امنی سے نمٹنے کے لیے مکمل طور پر تیار ہیں۔

رپورٹ: سیدہ نتاشا

وزیراعلیٰ بلوچستان میر سرفراز بگٹی نے گزشتہ رات کوئٹہ شہر کے مختلف علاقوں کا دورہ کیا اور سیکیورٹی پر مامور پولیس اہلکاروں سے ملاقات کی۔ وزیراعلیٰ نے مختلف پولیس چوکیوں پر اہلکاروں کے ساتھ وقت گزارا اور ان کی پیشہ ورانہ ذمہ داریوں اور بلند حوصلے کو سراہا۔

دورے کے موقع پر رکن صوبائی اسمبلی علی مدد جتک اور زرک خان مندوخیل بھی وزیراعلیٰ بلوچستان کے ہمراہ تھے۔ وزیراعلیٰ نے سیکیورٹی انتظامات کا جائزہ لیا اور موقع پر موجود اہلکاروں کی حوصلہ افزائی کی۔
اس موقع پر گفتگو کرتے ہوئے وزیراعلیٰ بلوچستان میر سرفراز بگٹی نے کہا کہ ہمارے جوانوں کے حوصلے بلند ہیں اور وہ ہر قسم کی دہشت گردی اور بے امنی سے نمٹنے کے لیے مکمل طور پر تیار ہیں۔ انہوں نے کہا کہ دہشت گردوں کے عزائم کو کسی صورت کامیاب نہیں ہونے دیا جائے گا اور بلوچستان میں امن و امان کے قیام کے لیے تمام ضروری اقدامات کیے جا رہے ہیں۔
وزیراعلیٰ نے سیکیورٹی فورسز کی قربانیوں کو خراجِ تحسین پیش کرتے ہوئے کہا کہ صوبے میں امن کے قیام کے لیے پولیس اور دیگر ادارے ہمہ وقت الرٹ ہیں۔